Parastina Sûriyê: Sîpan Hamo bû Cîgirê Wezîrê Parastinê

ANF

Sîpan Hamo Cîgirê Wezîrê Parastinê yê Sûriyê

Hikûmeta demkî ya Sûriyê, Sîpan Hemo wek cîgirê wezîrê parastinê yê rojhilatê Sûriyê destnîşan kir, li şûna wezîrê parastinê, ew dê karûbarên leşkerî yên li rojhilatê Sûriyê birêve bibe û bişopîne.

Ajansa nûnçeyan ya Sana Asim Xelîon, rêveberê ragihandin û peywendiyan li Wezareta Parastinê ya hikûmeta demkî ya Sûriyê, ragihand ku,Sîpan Hemo wek cîgirê wezîrê parastinê yê rojhilatê Sûriyeyê hatiye destnîşankirin.

Ev biryar wekî beşek ji pêkanîna bendên Rêkeftina 29ê Kanûna Pêşîn ya di navbera HSDê û hikûmeta demkî de ji bo yekgirtina saziyan tê.
Sîpan Hamo, damezrêner û fermandarê Hêzên Parastina Gel bû, posta wî ya nû ji aliyê kirdarî vet ê wê wateyê,ku di Wezareta Parastinê de berpirsekî leşkerî yê payebilind heye, ku li şûna wezîrê parastinê, berpirsiyarê birêvebirin û şopandina karûbarên leşkerî li rojhilatê Sûriyê ye.

Herêma rojhilat parêzgehên Heseke, Reqa û Dêra Zorê li xwe digire, ku di salên dawî de di bin kontrol yan jî serdestiya Hêzên Sûriya Demokratîk (HSD) de bûn.

Erkên pratîkî yên vê postê ev in:

- Çavdêriya rewşa leşkerî ya li herêmê.

- Hevrêzkirina di navbera Wezareta Parastinê û hêzên li rojhilatê welêt de.

Şopandina operasyonên leşkerî û ewlehiyê.

- Mijûlbûn û hevrêzkirina bi hêzên herêmî re.

- Birêvebirina pêvajoya têkelkirina hêzên herêmî di nav artêşê de.

Birêvebirina karûbarên ewlehî û leşkerî.

- Çavdêrîkirina sînor û xalên kontrolê yên leşkerî.

- Rêxistinkirina bicihkirin û belakirina hêzan.

PUKMEDIA