Fermandarê Hêzên Parastina Sînor yên Îraqê:Sînor parastî ye

Nivîsgeha Medyayê ya Hêzên Parastina Sînor yê Îraqê

Karwaneke leşkerî ya Îraqê sînorên welêt kontrol dike.

Fermandarê Hêzên Parastina Sînor yê Îraqê piştrast kir ku sînorên Îraqê bi welatên hevsê re bi tevahî ewle ne û di bin kontroleke tund de ne, û raportên derbarê ketina nav sînorên cuda yan qaçaxçîtiyê de red kir û destnîşan kir ku di vî warî de bi Herêma Kurdistanê re hevahengiyeke berdewam heye.

Li gorî medyaya dewletê ya Îraqê (INA), Lîwa General Mihemed Siker, fermandarê hêzên sînor, got: Sînorê 620 kîlometreyî bi Sûriyê re bi tevahî ewle ye û di bin kontroleke bilind de ye.

Her weha got:Bi saya kelehên berfireh û pergalên çavdêriyê yên pêşketî, ketina nav sînorên Sûriyê, qaçaxçîtî an gef tune ye û amadebûna şer ya bihêz, xetên parastinê yên kûr yên ku artêş û Hêzên Seferberiya Gel têde ne, û her wiha hewldanên hewalgirî, xeta sînor kirine herêmeke bi ewlehî.

Siker her wiha girîngiya xurtkirina sînorê 1,493 kîlometreyî bi Îranê re, ku li seranserî parêzgehên Hewlêr, Silêmanî û Helebçe dirêj dibe, tekez kir û got:Kertên ku van deveran ewle dikin bi hevahengiya bi hêzên ewlehiyê yên Herêma Kurdistanê re, di nav de Pêşmerge û Asayîş, hatine xurtkirin.

WNavbirî raportên derbarê ketina ji Iraqê bo nav Îranê de wekî nerast red kir, û destnîşan kir ku di navbera fermandarên lîwayên sînor yên Îraqê û hevpîşeyên wan ên Îranî de hevrêzî û ragihandinek berdewam heye.

 Siker aşkere kir ku deverên sînorî yên li Parêzgehên Diyale, Wasit, Meysan û Besra aram dimînin, û hevkariyek nêzîk di navbera her du welatan de heye.

Derbarê sînorê bi Kuweytê re, Siker got:Asta kontrolê li ser sînorê bejahî yê 200 kîlometreyî "pir baş" e, û destnîşan kir ku herêm bi tevahî ji hêla sîstemên çavdêriyê ve tê nixumandin û ji hêla yekîneyên artêşê yên ku li ser xeta sînor bi kûrahî hatine bicihkirin ve tê piştgirî kirin.

Wî zêde kir ku di navbera her du welatan de çi derbasbûn yan bûyerên ketina nav sînor çênebûne û di navbera fermandarên lîwayên sînor yên Îraq û Kuweytê de hevrêziyek hewalgirî ya xurt heye.

Siker diyar kir ku sînorên Îraqê bi Urdun û Erebistana Siûdî re di bin kontrolek xurt de ne, û tekez kir ku ewlehiya sînor di asta herî bilind de ye.

Siker dazanîn ku her hêzek ku hewl bide li ser sînorê Sûriyê tevbigere dê li gorî yasayê bi awayekî ku ewlehiya sînor û peywendiyên dualî biparêze were muamele kirin.

PUKMEDIA