Larîcanî: Qonaxeke veguhêz li Îranê dest pê dike

PUKMEDIA

Sekreterê Encumena Bilind a Ewlehiyê ya Îranê Elî Larîcanî

Sekreterê Encumena Bilind a Ewlehiyê ya Îranê ragihand ku piştî kuştina rêberê bilind ê komara Îslamî ya Îranê, qonaxeke veguhêz dest pê dike û encumeneke demkî tê avakirin, di heman demê de bersiva Îranê ya li hember êrîşan pir dijwartir dibe.

Her weha sekreter Elî Larîcanî got ku piştî kuştina rêberê bilind Elî Xamineyî di êrîşên hewayî yên Amerîka û Îsraîlê de, îro serdemeke veguhêz dest pê dike,û encumenek dê ji bo birêvebirina welêt were avakirin.

Amaje bi wê jî kir ku bersiva Îranê ya li hember êrîşan dê dijwartir be û baregehên leşkerî yên Amerîkî yên li herêmê dê bibin armanc. û got Îran niyeta êrîşê li cîranên xwe nake û tenê serweriya xwe diparêze."

Şeva borî, medyaya fermî ya Îranê mirina Rêberê Bilind Elî Xamineyî, piştre jî şêwirmendê ewlehiyê yê Elî Xamineyî Elî Şemxanî û serokê îstîxbarata payebilind Mihemed Besrî ragihand.


Televîzyona dewleta Îranê îro ragihand ku çend fermandarên din jî hatine kuştin:

Ebdul Rehîm Mûsewî - Serokê Fermandariya Giştî ya Hêzên Çekdar
Mihemed Pakpûr - Fermandarê Giştî yê artêşa pasedaran
Elî Şemxanî - Sekreterê Encumena Parastinê
Ezîz Nasirzade - Wezîrê Parastinê


PUKMEDIA