Dê dorpêça li ser Kobanê bê rakirin

PUKMEDIA

Kobanê

Liyektêgihiştina di navbera hêzên navxwe ên hikûmeta Şamê û Asayîşa Rêveberiya Xweser de ket warê cîbicîkirinê û ji roja yekşema hefteya bê ve, dorpêça ser Kobanê bi temamî wê were rakirin.

Îro 27ê Şibata 2026an, lêktêgihiştina di navbera hêzên Ewlehiya Hundirîn a hikûmeta Şamê û Fermandariya Asayîşa Kobanê ket warê cîbicîkirinê. Herdu aliyan li ser mekanîzmayên yekkirina peykerê rêxistinî û kargêrî yê hêzên xwe gotûbêj kirin, bi wî rengê ku bi sîstemên Wezareta Hundir re guncaw be.

Li gorî jêderan, ji roja yekşemê 1ê Adara 2026an ve, dorpêça ser Kobanê bi temamî tê rakirin, rê têne vekirin û artêş vedigere xalên diyarkirî an jî cihên kombûnê li baregehên xwe. Herwiha hêzên Ewlehiya Giştî, tevî hêzên Asayîşê jî, li wan xalên ku li ser hatine rêkeftin belav dibin.

PUKMEDIA