Kampa Holê hat valakirin û daxistin

PUKMEDIA

Kampa Holê

Hikûmeta demkî ya Sûriyeyê ragihand ku kampa Holê ya li gundewarên Hesekê hate girtin. Di heman demê de li gel ragihandina vê nûçeyê de li ser tora medyayî dîmenên şewtandina çend konên li kampê derketin holê.

Rêvebirê kampê ku ji hêla hikûmeta demkî ve hatiye destnîşankirin Fadî El Qasim di wê derbarê de diyar kir ku kamp “piştî temamkirina pêvajoya valakirinê" hatiye girtin. El Qasim behsa mekanîzmayên valakirinê û rêxistinên ku malbatan pêşwazî kirine, nekir.
Bi ragihandina girtina kampê re, dîmenên ku li ser înternetê belav bûne, nîşan didin ku di çend kon û deverên di nav kampê de agir derketiye. Derbarê sedema van de şewatan de heta niha tu daxuyaniyeke fermî ji aliyê hikûmetê ve nehatiye dayîn.

PUKMEDIA