Kobanê di bin dorpêçê de: Berxwedanek bargiran û kêmasî hereşe li ser jiyanê dike

Kurdistan 09:22 AM - 2026-02-19

Kobanê

Ji 20ê Çile ve, bajarê Kobanê di bin dorpêçeke berdewam de ye, hem xelkê wê û hem jî binesaziya wê westiyane, û bi hezaran sivîl rojane bi tirs, bêparî û nexweşiyan re rû bi rû dimînin. Bajarekb û ko koçber ji ber şerê li derdora wê piişt pê bestibûn, îro jî ketiye bin dorpêçeke dijwar de.

Sî û yek roj bes bûn ku pêdiviyên bingehîn ên jiyanê têk bibin. Derman kêm in, sotemenî kêm e û ji bo piraniya malbatan pir biha ye, nanxane ji sibehê ve qerebalixin, û nexweşî li taxên qerebalix belav dibin. Bi alîkariya sînorkirî ya ku digihîje bajêr, valahiya di navbera hewcedariyên zêdebûyî û ya ku bi rastî li ser erdê heye de berfireh dibe.

Sektora tenduristiyê: Hişyariyek ji hilweşîna nêzîk

 Rayedarên tenduristiyê yên li bajêr hişyar didin ku dorpêça berdewam pergala bijîşkî ber bi hilweşînê ve dibe. Ji destpêka dorpêçkirinê ve tu pêdiviyên bijîşkî nehatine, ji bilî mîqdarên sînorkirî yên ku wekî ne bes têne binav kirin. Dermanên ji bo lîşmanya û îltîhaba kezebê, û her weha dermanên ji bo nexweşiyên kronîk ên wekî şekir, zext û nexweşiya dil, xilas bûne. Nexweşên talasîmiyê, ku piraniya wan zarok in, ji ber kêmbûna yekîneyên xwînê, ku ew hewceyê veguhestina xwînê ketiye metirsiyê.

Ji ber ku niştecih avê bîran vedixw, belavbûnek berfireh a nexweşî wek vereşîn û zikçûnê belav bûye, ku ji du hezar bûyeran derbas bûye. Nexweşxane ji kêmbûna dermankirinên damarî dikişînin, û gelek bûyer bersiva dermanên devkî nadin. Zarok Dildar Rêzan Hisi yê 12 salî ji ber nebûn derman jiyan ji dest da.

Kêmbûna Sotemenî û Xwarinê

Li gel krîza tenduristiyê, kêmbûna sotemeniyê jiyana rojane astang. Kêm tişt bi rêyên nefermî dikevin û bi biha têne firotin, di heman demê de niştecih di rêzên dirêj de radiwestin, bi hêviya ku têra xwe ji bo germkirina malên xwe an xebitandina mowelîdeyên kerebê peyda bikin.

Bazar jî ji kêmbûna sebze û kelûpelên bingehîn dikişînin, û bihayên wan bilind dibin. Ev yek bi qerebalixiya bajêr bi hezaran kesên ji gundên cîran koçber bûne re dijwartir dibe.

Alîkarî ne li gor qebareya kirîzê ne

Tevî ketina bi dehan kamyonên alîkariyê bo deverên bakur û rojhilatê Sûriyeyê di meha Şibatê de, di nav de hin ji wan gihîştin Kobanê, ji bilî mîsyonek bijîşkî ji Herêma Kurdistanê, çavkaniyên ji Çavdêriya Mafên Mirovan a Sûriyeyê piştrast dikin ku alîkariya wergirtî tewra hewcedariyên herî kêm ên ku di mehek tevahî ya qedexeyê de kom bûne, nemaze di sektora tenduristiyê de, nagire nav xwe.


PUKMEIDA