Kobanê: Zarokeke din ji ber dorpêçê û nebûna derman jiyan ji dest dan

PUKMEDIA

Zarokê Kobanê

Kurekî 12 salî ji ber têkçûna rewşa wî ya tenduristî ji ber nexweşiya kêmasiya parastinê (BRES) mir, piştî ku ji ber dorpêça li ser Kobaniyê û girtina rêyan nekarîbû ji bo nexweşxaneyên li Helebê were veguhestin.

Zarokê bi navê Dildar Rêzan Hiso roja Şemiyê ji ber nexweşiyê mir, ew ji ji ber dorpêça ku ji aliyê hikûmeta demkî ya Sûriyê li ser Kobanê hatiye ferzkirin tê, ev dorpêç bûye sedema mirina çend zarokan û têkçûna tenduristiya gelek nexweçan ji ber kêmbûna derman û pêdiviyên tenduristî û ava vexwarinê û her weha xwarin jî.

Li gorî ragihandina malbata Dildar, bijîşkê wî tekez kiriye ku dermankirina wî li Helebê heye lê ji ber dorpêç û girtina rêyan heta li pêşiya nexweûana bûye sedemana jiyan ji destdana kurê wan yê 12 salî.
 
Ji 20ê Çile ve û heta niha, tevî hebûna rêkeftinekê di navbera Hêzên Sûriya Demokratîk û hikûmeta demkî de û lidarxistina çend civînan di navbera rêveberiya Kobanî û parêzgarê Helebê de, aliyên hikûmeta demkî dorpêçeke dijwar li ser bajarê Kobanî ferz dikin.

PUKMEDIA