Karwan Enwer: Girtina Kanala 8ê armancgirtina Silêmaniyê ye

PUKMEDIA

Karwan Enwer

Êrîşên elektronîkî yên li ser medya û tora civakî li sînorê parêzgeha Silêmaniyê berdewam dikin.
Îro ji ber van êrîşan, rûpela Kurdî/Soranî ya Dezgeha Medyayî ya "Channel 8" di tora civakî ya Facebookê de hat neçalakkirin. Sekreterê şaxê Silêmaniyê ya Sendîkaya Rojnamevanên Kurdistanê radigihîne ku Silêmanî li beramberî êrîşeke çir a elektronîkî ye û ev êrîş ji aliyê kesên pispor ve tên kirin, her wiha gelek caran Fermangeha Medya û Zanyarî ya hikûmetê agahdar kirine, lê tu bersiva wan nebûye.

Karwan Enwer, Sekreterê şaxê Silêmaniyê ya Sendîkayê ji malpera fermî ya YNKê (PUKMEDIA) re ragihand: Tevahiya rûpel, hesab û platformên li sînorê parêzgeha Silêmaniyê di bin gefa êrîşên elektronîkî û girtinê de ne. Ji ber ku ev pirsgirêk ne pirsgirêkên teknîkî, copyright ne, belku êrîş ji aliyê kesên pispor ve tên kirin û bi taybetî medyayên Silêmaniyê dikin armanc. Neçalakkirina rûpela Kurdî/Soranî ya Dezgeha Medyayî ya Channel 8 jî di vê çarçoveyê de ye.

Her wiha got: "Beriya niha me gelek kor û semîner ji bo hişyarkirina li ser êrîşên elektronîkî yên li ser medya û medyaya civakî ya Silêmaniyê li dar xistine. Gelek caran me daxwaza xwe gihandiye Fermangeha Medya û Zanyarî ya Hikûmeta Herêmê û me gotiye ku divê hikûmet rê li ber van êrîşan bigire û agahdarî wan bibe, lê heta niha tu bersiva wan nebûye.
Saziya kenala 8 îro sibê ragihand ku rûpela wê ya Facebookê ya bi zimanê Kurdî/Soranî rastî êrîşên elektirînîk û giliyên ne heq hatiye, ku ev yek bûye sedema neçalakkirina wê ji aliyê Meta ve.

Di daxuyaniyekê de, kenalê got ku êrîşên elektirîno li ser platformên wê yên medyaya civakî ji mehekê zêdetir berdewam dikin, û armanca van êrîşan sînordarkirina azadiya ramanê li Herêma Kurdistanê ye.
We destnîşan kir ku êrîş di sê rojên borî de zêde bûne, û bang li hikûmet û rayedaran kir ku baweriya xwe bi çapemeniya azad û rojnamegeriya profesyonel bînin.

Kenalê van êrîşan wekî hewldan bû ku azadiya ramanê li Herêma Kurdistanê bixe jêr pirsiyarî û nîşandana wêneyek neyînî ya azadiya ramanê li Kurdistanê ji civaka navneteweyî re veguhazîne. 


PUKMEDIA