Ji ber aloziyên siyasî, nirxê dolar ne arame

PUKMEDIA

Dolar

Ev çend roj in li bazarên li seranserê Bexdayê û hemû parêzgehênÎ"raqê nirxa dolarê Amerîkî li hember dînarê Îraqê bi berdewamî bilind dibe, rêjeya danûstandinê gihîştiye zêdetirî 151,500 dînarê Îraqî ji bo 100 dolarî.

Şiwan Hadî, pisporê aborî ji PUKMEDIA re got: "Her çend Banka Navendî ya Îraqê piştrast kiribe ku rêjeya danûstandinê ya dolar wek xwe û neguheriye jî, dolar berdewam bilind dibe.

Wî zêde kir: Sedema bilindbûna rêjeya danûstandinê ya dolar tengezariyên jeopolîtîk ên li cîhanê, û bi taybetî li Rojhilata Navîn e. Wî tekez kir ku heke ev tengezarî berdewam bikin, îhtîmal e ku dolar hîn bêtir bilind bibe.

Wî destnîşan kir ku hêvî tê kirin ku rêjeya danûstandinê ya dolar bi avakirina hikûmeta federal a nû li Îraqê û aramkirina rewşa siyasî ya herêmê re aram bibe.

PUKMEDIA