Rewşa koçberên li Kobanê ne aram e û pêdiviya wan bi alîkariyê heye

PUKMEDIA

Kobanê

Penaberên li bajarê Kobanê yê Rojavayê Kurdistanê, di 70 navendên ku têde bicih bûne de dijîn, ku dibistan, mizgeft, baxçeyên zarokan, hol û dikanên vala ne, lê ev navend hîn jî ji bo hejmara mezin a penaberan têrê nakin, di heman demê de bang tên kirin ku dorpêça berdewam a li ser zêdetirî 600,000 niştecih û penaberên li bajêr were rakirin.

Ehmed Xoce, hevserokê Komîteya Karûbarên Civakî li Kantona Firatê, got: Rewşa koçberan pir xirabe û Kobanك di bin dorpêçeke tund a komên çekdar ên girêdayî hikûmeta demkî ya Sûriyeyê de ye.
Got jî Kobanê 14 roj in di bin dorpêçeke dijwar de ye û ji ber êrîşên komên çekdar mirov ji her deverê koçberî wir bûne.

Kobanê niha di bin zexteke mezin de ye, penaberên ji Reqa û Tebqayê, û her weha niştecihên taxên Şêx Meqsûd û Grê Spî, ku berê di kampa Til Samanê de bûn, koçî vî bajarî bûne.

Xoca got, Malbatên Kobanê pêşwaziya penaberên ku hatine bajêr kirine, ji ber vê yekê her malbatek çar heta pênc malbat di malên xwe de bi cih kiriye, ji bo koçberan cîh têrê nake, ji ber vê yekê nêzîkî 70 cih li dibistan, mizgeft, baxçeyên zarokan, holên ahangan û dikanên vala hatine vekirin, lê dîsa jî têrê nakin.

Wî tekez kir ku tevî dorpêçkirin û herikîna penaberan, heta niha alîkariya xwarinê negihîştiye. Maje bi wê jî kir ku li wir sotemenî, şîr û derman tune. Her tişt, heta şîrê zarokên sewa jî, li sûkan peyda nabe. Dikanên li Kobanê ji ber dorpêçê bê kelûpel in.



PUKMEDIA