Civata Nûneran ji bo hilbijartina serokkomar dê bicive

PUKMEDIA

Civata Nûneran ya Îraqê

Biryar e sibê (1ê Sibata 2026an) Civata Nûneran ya Îraqê ji bo hilbijartina serokkomarê Îraqê bicive, endamekî fraksiyona YNKê li Civata Nûneran ya Îraqê tekez kir ku posta serokatiyê mafê YNKê ye.

Serwe Mihemed, endama Civata Nûneran ya Îraqê ji fraksiyona YNKê, ji PUKMEDIA re ragihand ku rûniştina sibehê ya Civata Nûneran ya Îraqê ku taybet e bi hilbijartina serokkomar, Yekîtiya Niştimanî ya Kurdistanê wê postê bi mafê xwe dizane û ji bo vê yekê jî Nîzar Amêdî yekane namzedê Yekîtiya Niştimanî ya Kurdistanê (YNK) ji bo vê postê ye.

Amaje bi wê yekê kir ku, îro Çarçoveya Hemahengiyê biryare îro civîna xwe ya dawî li ser namzedên serokwezîr û serokkomariyê li dar bixe, ev yek di demekê de ye ku, wan namzedê xwe ji bo posta serokwezîriyê, Nûrî Malikî yek alî kiriye, lê di Çarçoveya Hemahengiyê de her kesê ku vê postê bigire, girîng e ku Îraq ji hemû qeyranan derxîne.

Endama fraksiyona YNKê aşkere kir ku civînên di navbera aliyên Îraqî de ji bo diyarkirina namzedên vê postê hîna jî berdewam in, piştî ku posta serokomariyê were destnîşankirin, divê serokwezîr jî were destnîşankirin li gorî kevneşopiya siyasî, posta serokomariyê ji bo Kurdan û di nav Kurdan de ji bo YNKê ye, û posta serokwezîriyê jî ji bo Şîeyan e.

Ev yek jî di demekê de ye ku,biryar bû roja Sêşem ya borî  Hilbijartina Serokkomariya Îraqê bihata li darxistin, lê, Serokatiya Civata Nûneran civîn paşda xist û Nîzar Amedî yekane namzedê Nîzar e ku pêşengiya namzetên din dike.

PUKMEDIA