Serok Bafil pêşwaziya peymanê pike: Ez hêvî Dikim ku mafên Kurdan û hemû Pêkhateyên li Sûriyeyê garantî be

PUKMEDIA

Serok Bafil Celal Talebanî

Di daxuyaniyekê de, Birêz Bafil Celal Talebanî, Serokê Yekîtiya Niştimanî ya Kurdistanê (YNK), pêşwaziya peymana ku di navbera Hêzên Demokratîk ên Sûriyeyê (HSD) û hikûmeta Sûriyeyê de hatiye kirin kir û hêvî kir ku ev bibe destpêka garantîkirina mafên Kurdan û hemû pêkhateyên civaka Sûriyeyê û bibe sedema xurtkirina aramiyê li Rojavayê Kurdistan û Sûriyeyê.

Daxuyanî wiha ye:
Ez pêşwaziyê li rêkeftina navbera Hêzên Sûriyeya Demokratîk (HSD) û hikûmeta Dîmeşqê, ji bo çareserkirina pirsgirêkan bi aştiyê û dawîanîna aloziyan dikim. Hêvîdarim bibe destpêka misogerkirina mafên neteweyî yên hemû pêkhateyan bi taybetî gelê Kurd.

Ez spasiya Amerîka, Fransa û welatên garantor dikim û hêviya min ev e ku rêkeftin bibe sedema aramî û geşbûna Rojavayê Kurdistan û Sûriyeyê.

Ji nava dil spasdariya xwe pêşkêşî hemwelatiyan, bi taybetî ciwanên Kurdistanê û diasporayê dikim ku piştgîriya Rojava kirin û ji Cîhanê re gotin, Kurd yek e.

Hewldan û berxwedana birayê xwe General Mazlûm Ebdî ji bo mafê gelê me yê Rojava bibîrtinim û jê re dibêjim, ez bi te şanazim û weke hertim li pişta te me.

Bafil Celal Talebanî
Serokê Yekîtiya Nîştimaniya Kurdistanê

PUKMEDIA