Îlham Ehmed: Pebendin bi serxistina proseya tevlîbûnê hêzan li gel Hikûmetê

PUKMEDIA

Îlham Ehmed hevseroka nivîsgeha têkiliyên derve ya Rêveberiya Xweser

Îlham Ehmed hevseroka nivîsgeha têkiliyên derve ya Rêveberiya Xweser di daxuyaniyekê de got, "Em pabendbûna xwe ya ji bo serkeftina pêvajoya tevlîbûnê bi awayekî ku xizmeta yekparçeyiya Sûriyeyê bike, aştiya civakî xurt bike û bingehê qonaxek nû ya aramî û pêşveçûnê deyne, ji nû ve tekez dikin.

Em spasiyên xwe yên mezin pêşkêşî welat û rêxistinên navbeynkar, bi taybet Dewletên Yekbûyî yên Amerîkayê û Fransayê dikin, ji bo hewldanên wan ên bêwestan ên ji bo gihaştina peymanekê di navbera hikûmeta Sûriyeyê û Hêzên Sûriyeya Demokratîk de ku pêngaveke girînge ber bi aramiyê ve ye.
Em hêvî dikin ku ew ê di serxistina pêvajoya tevlîbûnê de bi rola garantoriyê rabin. Bicihkirina hêzên ewlekariyê, ji bo mîsogerkirina pêvajoyeke tevlîbûnê ya berpirsiyar û qonax bi qonax ku hevkariyê misoger dike, rûmeta hemû civakan diparêze û rê li ber pêşketineke adil û hevseng li hemû herêman vedike, girîng e.
Em pabendiya xwe ji bo serkeftina pêvajoya tevlîbûnê dubare dikin ku xizmeta yekitiya Sûriyeyê bike, aştiya sivîl xurt bike, qonaxeke nû ya aramî û pêşketinê bide destpêkirin û vegera ewle û birûmet a gelê Efrîn û Serêkaniyê bo herêmên xwe, mîsoger dike.

PUKMEDIA