Pirojeyasaya Parastina Kurdan ji Kongresê re hat pêşkêşkirin

PUKMEDIA

Lindsey Graham

Senatorê navdar ê Amerîkayê Lindsey Graham bi fermî projeyasaya parastina Kurdan pêşkêşî Kongreyê kir û tê payîn ku piştgiriyeke berfireh lê bê kirin.

Lindsey Graham gelek caran li ser platforma X dûpat kiriye ku Hêzên Sûriyeya Demokratîk di heyama xula yekem a serokatiya Donald Trump de, di têkbirina DAIŞê de qurbaniyên zêde dane.
Graham balê dikişîne ser wê yekê ku tevî alozîyên çandî û siyasî yên di nav Sûriyeyê de, her cure êrîşek li ser Kurdan dê bibe sedema lawazbûna pêgeha navneteweyî ya Amerîkayê û rê li ber geşebûna Sûriyeyê wek dewlet digire û ragihand: Ger em di vê demê de dev ji Kurdan berdin, ew ê bibe şaştiyeke stratejîk û ziyaneke mezin bide Amerîkayê, û dê ji tiştê ku li Bengazî qewimî karesatbartir be."
Ev projeyasa hişyariyeke rasterast û tund e ji bo hemû ew welat û komên ku wisa difikirin ku dikarin bê ceza û lêpirsîn êrîşî Kurdan li Rojava bikin, her wiha bi derbasbûna vê yasayê, Kurd bi temamî ji her êrîşeke derve û hundirîn tên parastin.


PUKMEDIA