Rûniştina ji bo hilbijartina serokkomar hat paşdaxistin

PUKMEDIA

Civata Nûnerên Îraqê

Her çende biryar bû demjimêr 11 beriya nîvro rûniştina Civata Nûneran ya Îraqê taybet bi hilbijartina serokkomar bihata encamdan lê rûniştin hat paşdaxistin.

Nivîsgeha Ragihandina Serokê Civata Nûnerên Îraqê Heybet Helbûsî ragihand ku, Yekîtiya Niştimanî ya Kurdistanê (YNK) û Partiya Demokrat ya Kurdistanê (PDK), ku her du jî namzetên wan ji bo vê postê hene, daxwazek pêşkêşî serokatiya civatê kirine rûniştina îro were paşdaxistin daku zêdetir dem ji bo têgihîştinê di navbera her du aliyan de hebe.

Li gorî destûrê, roja Yekşemê 1ê Sibata 2026an roja dawî ya hilbijartina serokkomar ji aliyê Parlemana Îraqê ve ye.

Yekîtiya Niştimanî ya Kurdistanê (YNK) li gorî rêkeftinê,û kevneşopiyên siyasî vê helwestê wekî berê bi mafê dibînin û ji bo wê yekê jî,Nîzar Amêdî wekî yekane namzedê fermî ji bo posta serokkomariyê hatiye destnîşan kirin.

Ji dema hilweşîna rêjîma berê ya Îraqê ve, ev post li gorî rêkeftin û kevneşopiyên siyasî ew post wekî pişkê Yekîtiya Niştimanî ya Kurdistanê (YNK) hatiye destnîşankirin, di dema borî de jî, Rewanşad, Serok Mam Celal,Dr. Fuad Mesûm,Dr. Berhem Ehmed Salih û Dr. Letîf Reşîd li ser pişkê Yekîtiya Nîştimanî ya Kurdistanê (YNK) ev post wergirtine, ji bo vê xulê jî Yekîtiya Nîştimanî ya Kurdistanê (YNK) Nîzar Amêdî wek yekane namzed ji bo vê postê destnîşan kiriye.

PUKMEDIA