HSD: Tevî agirbestê hikûmeta Şamê hêzên xwe kom dike

PUKMEDIA

Alayên Hêzên Sûriye Demokratîk û hikûmeta Sûriyê

Navenda Ragindina HSD ragiand ku tevî agirbestê jî, hikûmeta Şamê bi awayekî sîstematîk li herêma Cezîre û Kobanê amadekariyên leşkerî dike û hêzên xwe zêde dike.

Îro, Şemiyê 24ê Çileya 2026an Navenda Ragihandinê ya Hêzên Sûriya Demokratîk (HSD)  daxuyaniyek weşand û aşkere kir ku, Tevî peymana agirbestê ya di navbera me û hikûmeta Şamê de hatiye îmzekirin jî, lê hikûmeta Şamê bi awayekî sîstematîk li herêmên Cezîre û Kobanê amadekariyên leşkerî dike û hêzên xwe zêde dike.

Her weha aşkere kir ku, di wê çarçoveyê de hêzên me îro li herêma Cizîrê bersiva du êrîşên cuda dan, ku ev binpêkirineke eşkere ya peymana agirbestê ye.

Her weha got: Em bang li civaka navneteweyî û aliyên peywendîdar dikin ku bi lez û bez hewl bidin, ji bo misogerkirina pabendbûna hikûmeta Şamê bi agirbestê û rêgirîkirin li her pêngavekê ku gefê li asayîş û aramiya navçeyê bike.

PUKMEDIA