Qubad Talebanî: Divê hikûmeta bê ya Îraqê pirsa mûçe û budceyê çareser bike

Nivîsingeha Ragihandina Qubad Talebanî

Qubad Talebanî û Qeys Xezelî

Şanda bilind ya Yekîtiya Niştimanî ya Kurdistanê (YNK) bi serokatiya Qubad Talebanî li Bexdayê digel Sekreterê Giştî yê Tevgera Esaib Qeys Xezelî civiya.

Di civînê de, ku roja Şemiyê (24/01/2026) hat lidarxistin, rewşa siyasî ya Îraq û Herêma Kurdistanê û pêvajoya Pêkanîna hikûmeta nû ya Îraqê hat gotûbêj kirin.

Qubad Talebanî nêrîna YNKê li ser çawaniya pêkanîna hikûmeteke nû anî ziman û tekezî li ser pêkanîna hikûmeteke bikêrhatî kir ku bi wekhevî xizmeta hemû Îraqiyan bike.

Qubad Talebanî got:Li gorî Yekîtiya Niştîmanî ya Kurdistanê (YNK)  divê hemû pirsgirêkên li Îraqê, tevî pirsgirêkên di navbera Herêma Kurdistanê û Bexdayê de, bi vegera ser destûrê werin çareserkirin, û got: Divê pêşîniya hikûmeta Îraqê ya bê çareserkirina pirsgirêkên di navbera Herêma Kurdistanê û Bexdayê de be, bi taybetî pirsa budçe û mûçeyan.

PUKMEDIA