Berdevkê Rêveberiya Xweser: Peymana 10ê Adarê dê di rojên pêş de were bicîhanîn

PUKMEDIA

Mazlûm Ebdî û Ehmed Şera

Berdevkê Rêveberiya Xweser got ku peymana 10ê Adarê dê di rojên pêş de were bicîhanîn û biryare Dewletên Yekbûyî yên Amerîkayê çavdêriya bicîhanîna peymanê bike.

Berdevka şanda Rêveberiya Xweser Meryem Îbrahîm ji bo danûstandinê li gel Şam di daxuyaniyekê de got ku fermandarê Hêzên Sûriyeya Demokratîk (HSD) Mezlûm Ebdî dê di nav 10 rojên pêş de serdana Şamê bike û peymana 10ê Adarê dê di rojên pêş de were bicîhanîn.
Got jî: Hêzên Sûriyeya Demokratîk (HSD) deverên bakur û rojhilatê Sûriyeyê diparêzin û artêşa Sûriyeyê dê nekeve wan deveran.

Rêveberiya xweser dê pabendî çareseriyek siyasî be û ji bo ku peymana 10ê Adarê ya di navbera Ehmed Şera û Mezlûm Ebdî de serkeftî be, bixebite. 

Di heman demê de, Yasir Silêman berdevkê rêveberiyê ji bo danûstandinan bi Şamê re, got ku peymana 10ê Adarê bi Şamê re tê plankirin ku di rojên pêş de were bicîhanîn. Amerîka li ser daxwaza Ehmed Şeraa made ye serpereştiya cîbicîkirina vê peymanê bike.

Fermandar Mezlûm Ebdî û serokê Sûriyeyê Ehmed Şera di roja 10/3/2025 de civiyan û peymanek îmze kirin. Ku têde Agirbest li tevahiya Sûriyeyê hate ragihandin û mafê beşdarbûna Sûriyan di pêvajoya siyasî detêde hat garantîkirin. Li gorî rêkeftinê kurd pêkhateyek sereke yê Sûriyê ne û mafên wan têne misogerkirin.
Di heman demê de, saziyên sivîl û leşkerî yên li bakur û rojhilatê Sûriyeyê dê bi rêveberiya dewleta Sûriyeyê re werin yek kirin, di nav de hêzên HSD û deriyên sînor, balafirgeh û zeviyên petrol û gazê.
Di xaleke ndin de hatiye ku bangên ji bo parçekirinê û gotinên nefretê têne redkirin û divê hemî alî di rewşa her gefê de piştgiriyê bidin dewleta Sûriyeyê.


PUKMEDIA