Salvegera bidarvekirina Sedam.. Girtina rûpela xwînê di dîroka Îraqê de

PUKMEDIA

Sedam Husên

Îro Sêşemê 30/12/2025, 19 sal bi ser bidarvekirina diktator Sedam Husên re derbas dibe, wek îro di sala 2006ê de ceza wergirt, piştî ku Dadgeha Tawanan a Îraqê bi beşdarbûna di dosya navdar a Duceyl de tawanbar kir.

Cezayê bidarvekirinê li dijî Seddam Husên sibeha roja şemiyê 30/12/2006 li Îraqê hat kirin, piştî ku ew bi tawanên li dijî mirovatiyê hat ceza kirin.
Sedam bi porê gemarî di 13ê Kanûna Pêşîn 2003an de li bajarekî nêzîkî Tikrîtê ji kurtekê derxistin, hat girtin.

Sedam Husênê , ji sala 1979an heta 9ê Nîsana 2003an çaremîn Komara Îraqê bû û di navbera sala 1975an heta 1979an cîgirê serokê komarê bû.

Dîktator Sedam Husên li Îraqê hat ser desthilatê û di sala 1979an de bû serokomarê Êraqê piştî ku wî kampînek ji bo jinavbirina dijber û hevrikên xwe yên di nav Partiya Beis de da destpêkirin, di 1980 heta 8 Tebax 1988 li gel Îranê di şer de bû.

Beriya ku duyemîn salvegera bidawîhatina şerê bi Îranê re derbas bibe, di 2ê Tebaxa 1990an de Kuwêt dagir kir, ku di sala 1991ê de bû sedema destpêkirina şerê duyemîn ê Kendavê.

Sedam jî bi tawanên xwe yên li dijî gelê Kurdistanê dihat naskirin, di nav wan de qirkirina zêdetirî 4500 gundên kurdan yên aram, enfalên hovane yên ku di navbera salên 1987-1988 de bi qonax pêk hatin û êrîşa wî ya li ser bajarê Helebce bi kîmyabarana qedexekirî ya navdewletî, bi hezaran tawanên din li dijî Kurd, Şîe û gelênÊraqê bi giştî.


Dadgeha Cezayê ya bi serokatiya Dadwer Reûf Reşîd Ebdulrehman, biryara xwe ya bi darvekirina Seddam Husên derxist ku were bidarvekirin di sibeha cejna Qurbanê de 30 Kanûna yekem 2006.
Zalim Sedam Huseyn di 28ê Nîsana 1937an de ji dayik bû û di 30ê Kanûna yekem 2006an de di 69 saliya xwe de hat bidarvekirin.

PUKMEDIA