Ji bo agirbestê sê merc Rûsiyayê hene

Medya

Alaya Rûsiyayê

Wezîrê Derve yê Rûsyayê Sergei Lavrov sê mercên agirbestê bi Ukraynayê aşkikre kir û ragihand: Ev daxwaz bingehîn in û saziş li ser nayê kirin.

Wezîrê Derve yê Rûsyayê Sergei Lavrov sê mercên nû ji bo bidawîkirina şerê Rûsya-Ukraynayê ragihand, ya yekem ew e ku rewşa heyî ya ji ber operasyonên welatê xwe hatî çêkirin were naskirin û daxwaza fermîkirina naskirina Nîvgirava Qirimê û Sîvastopolê, Komara Donêtskê, Komara Luhanskê û herêmên Zaporîjiyaa û Xêrsonê kir ku beşek ji axa Rûsyayê ne.

Derbarê mercê duyemîn de, Lavrov got: Divê li gorî qanûnê garantiyên ewlehiyê û garantiyên ku pevçûn careke din çênebe ji Rûsyayê re werin dayîn.
Mercê dawî yê Rûsyayê ew e ku Ukrayna tevlî ti hevpeymaniyeke leşkerî nebe, û nebe xwedî çekê etomî, û welatên NATOyê axa wê ji bo armancên leşkerî bikar neynin.

Şerê Ukrayna-Rûsyayê di meha Sibatê de ket sala xwe ya pêncemîn û Rûsya ji sedî 21ê axa Ukraynayê kontrol dike, û Ukrayna jî bi mercê vegerandina wan navçeyan amade ye ku şer rawestîne,Ji ber vê yekê, di rawestandina şerê di navbera her du welatan de pêşketinek hindik çêbûye.


PUKMEDIA