Îraq saleke ji guhertinên siyasî û dîplomatîk bi dawî dike

PUKMEDIA

Alaya Îraqê

Îraqê di sala 2025an de tevgereke siyasî û dîplomatîk a bêhempa dît, ku bi biryarên serwerî û destkeftiyên destûrî pêgeha xwe ya herêmî û navneteweyî xurt kir.

Sal bi çareserkirina pirsgirêka serokê parlementoyê dest pê kir, ji ber ku Encumena Nûneran bi serkeftî serokê nû hilbijart, ku bû sedema aramiya xebata yasayî û destpêkirina gotûbêjên li ser qanûnên rawestiyayî. Di Sibatê de, peymana çarçoveyî bi Washingtonê re hate çalakirin, ku balê dikişîne ser veguhestina ji aliyê leşkerî bo hevkariyên aborî û enerjiyê.

Di Adarê de, Bexda bû navendek ji bo dîplomasiya navneteweyî ku mêvandariya rêber û berpirsên Ereb û biyanî kir, ku baweriya navneteweyî ya zêde bi aramiya Îraqê nîşan dide. Di Nîsanê de, roja hilbijartinê hate destnîşankirin, û maratona avakirina hevpeymaniyê dest pê kir, ku çalakiyek siyasî ya berfireh da destpêkirin.
Di Gulanê de bexdadayê Lûtkeya Erebî lidarxist, ku bi lixwegirtina "Nerîna Bexdayê ji bo Aramiyê" xalek girîng a siyasî nîşan da. Di Hezîranê de, qanûna hilbijartinê hate sererastkirin, ku şefafiyeta di pêvajoya hilbijartinê de zêde kir.

Di Tîrmehê de, hikûmetê planeke siyasî û îdarî ya berfireh da destpêkirin da ku aramiya li Şingalê û deverên nekok xurt bike. Di Tebaxê de, Îraqê berdewam kir ku rola "navbeynkarê rastgo" li herêmê bilîze, û mêvandariya dewreyên diyalogên veşartî û giştî di navbera hêzên herêmî yên lihevnekirî de kir.
Sal bi pejirandina encamên hilbijartinê ji aliyê Dadgeha Bilind a Federal ve bi dawî bû. Berî vê yekê, Çarçoveya Hevrêzkirinê xwe wekî mezintirîn fireksiyona parlemanî nîşan dabû, û tekez li ser pêwîstiya avakirina hikûmetek "xizmeta neteweyî" kir da ku li ser destkeftiyên 2025-an ava bibe.

Di Kanûna yekem 2025-an de her wiha li gorî biryara 2732-an a Konseya Ewlehiyê ya Neteweyên Yekbûyî, bi fermî bidawîbûna wîleyata nûnetiya Neteweyên Yekbûyî ji bo Îraqê (UNAMI) hate ragihandin.


PUKMEDIA