Amerîka mezintirîn konsulxaneya xwe li herêmê vekir

PUKMEDIA

Amerîka mezintirîn konsulxaneya xwe li herêmê vekiriye

Îro, Sêşem danê êvarê rêkefta (03-12-2025) an, bi amadebûna Cîgirê Serokwezîr Qubad Talebanî, Cîgirê Wezîrê Derve yê Amerîka Michael Rigas û hejmareke mezin ji berpirsên hikûmet û partiyan avahiya nû ya Konsulxaneya Giştî ya Amerîka li Hewlêrê, paytexta Herêma Kurdistana Îraqê, vekirin.

Derbarê vekirina konsulxaneyê, Cîgirê Serokwezîrê Herêma Kurdistanê Qubad Talaebanî bi Michael Rigas re civiya, Cîgirê Wezîrê Derve yê Amerîka, dema ku vekirina mezintirîn konsulxaneya Amerîka li Herêma Kurdistanê pîroz kir, û ragihand ku vekirina vê konsulxaneyê bûyerek girîng e û nîşan dide ku peywendiyên di navbera Amerîka û Herêma Kurdistanê de xurt û girîng in.

Hevdem Herdu alî li hev kirin ku ji bo xurtkirina peywendiyên di navbera Amerîka û Herêma Kurdistanê de zêdetir kar bikin û di vê çarçoveyê de Qubad Talebanî ragihand ku,deriyên hemû bajar û herêmên Kurdistanê ji bo Amerîka vekirî ne daku peywedndiyên di hemû waran de, bi taybetî di warên ewlehî, aborî, bazirganî û çandî de, xurt bikin.

Kevirê bingehîn ê avahiya nû, ku mezintirîn konsulxaneya Amerîkî li cîhanê ye, roja 6ê Tîrmeha 2018an ji aliyê Serokwezîrê wê demê Nêçîrvan Barzani û Balyozê wê demê yê Amerîka li Herêma Kurdistanê Douglas Sullivan ve hate danîn ku têçûna wê 796.1 milyon dolar bû û biryar e karmend ji heft wezaret û ajansên Amerîkî têde kar bikin.

Li gorî malpera Nivîsgeha Peywendiyên Derve ya Hikûmeta Herêma Kurdistanê, 40 welatan li Ewropa, Amerîka, Asya, Rojhilata Navîn û Afrîkakonsulxane û ofîsên nûnertiyê hene bi awayekî ku Ji wê hejmarê, 32 konsulxane û heşt ofîs in, û 38 jî welatên endamê Neteweyên Yekbûyî ne, hevdem Komara Îslamî ya Îranê tekane welat e ku du konsulxaneyên wê li Herêma Kurdistanê hene ku ji sala 2007an vir ve, li Hewlêrê û Silêmaniyê konsulxane vekiriye.

PUKMEDIA