Rêxistina Peyamnêran xelatek navneteweyî wergirt

PUKMEDIA

Logoya Rêxistina Peyamnêran ji bo Maf û Pêşveçûnê

Wekî yekane ajansa li Rojhilata Navîn, Rêxistina Peyamnêran Xelata Navneteweyî ya Artista wergirt.

Di berdewamiya destkeftî û serbilindiya Rêxistina Peyamnêran ji bo Maf û Geşepêdanê de, Xelata Navneteweyî ya Artesta di merasîmekê de li Komara Fîlîpînê pêşkêşî Rêxistina Peyamnêran hate kirin, daku hewldanên wê di warê azadiya ramanê û parastina mafên rojnamevanan de werin naskirin.

Li bajarê Manîla paytexta Komara Filpînê, rojnamevan Şêrwan Silîvanî li ser navê Rêxistina Peyamnêran, Maf û Geşepêdanê xelat wergirt, ku ev xelata navneteweyî ya yekem e li ser asta parzemîna Asya ye.

Di nav zêdetirî hezar namzedan de ji bo bi destxistina vê xelata cîhanî, Rêxistina Peyamnêran ji bo Maf û Geşepêdanê wekî yekane rêxistina li Rojhilata Navîn û Bakurê Afrîkayê , digel çend rojnamevanên navneteweyî, hat hilbijartin.

Hêjayî gotinê ye ku xelata Artesta xelatek navneteweyî ye ku her du salan carekê ji rojnamevan, medyakar, dahêner, lêkolîner û parêzvanên mafên mirovan re tê dayîn, û biryare di sala 2027 an mersîma xelatan li welatê Îtalya birêve biçe.

PUKMEDIA