Bavê kuştiyê li gundê Lacanê:Divê kujerê kurê me radestî yasayê bê kirin

PUKMEDIA

Kongreya Rojnamevaniya bavê kuştiyê li gundê Lacanê

Bavê kuştiyê li gundê Lajanê di kongreya rojnamevaniyê de gilî û gazinan ji Hikûmeta Herêma Kurdistanê dike û dibêje: Eger ew neyên ser xetê û xwîna kurê me berbat bibe, emê wekî eşîr riya xwe bigirin û belgeyên vîdyoyî yên kuştî li cem me hene.

Îro Yekşem rêkefta 30-12-2025 an bavê kesê ku li gundê Lacanê miriye îro di kongreya rojnamevaniyê de ragihand ku, em eşîra Berzencî ne û eşîreke mezin in,eger hikûmet mafên kurê me ji destê me dernexe, emê riya xwe bi xwe bişopînin û kujerê kurê min diyar e û du vîdyoyên wî bi belge li cem me hene hene ku dema ew tên bi Doçka gulebarankirin.

Her weha got: Kurê min ne terorîst bû û ne jî xwepêşander bû,kesekî ferman da ku ew bê gulebarankirin û wan ew gulebaran kir,ez çûm cem bijîşkê dadwerî û termê wî wergirtim ku guleyek Doçka li çavê wî ketibû, ji pişta serê wî derketibû.

Navbirî got: Em hemû raportên ku dibêjin kesê mirî Turk yan Sûrî ye red dikin,navê kurê min Îrfan e û ji eşîra Berzence ye, ew zewicî ye û zarokekî wî yê du mehî heye.

Hevdem gazinde ji hikûmetê jî kir û got: Em ji Hikûmeta Herêma Kurdistanê dixwazin ku were ser xetê û xwîna kurê me neçe ber avê, me gazinde ji hikûmetê kir û heya niha çi nûnerekî jî sersaxî nedaye me.

Duh Şemî rêkefta ( 29-11-2025) an li gundê Lacanê ku li ser riya di navbera Hewlêr-Giwêrê de ye, xelkê xwecihî li ber kompaniya Lanazê xwepêşandanek li dar xist, hêzên ewlekariya Hewlêrê bi çekan rû bi rûyê wan bûn û di encamê deciwan hat kuştin û zêdetirî 10 kesan jî birîndar bûn û hejmarek ciwan ji aliyê Leşkerên Gulan ve hatin desteserkirin.

PUKMEDIA