25ê Mijdarê roja cîhanî ya têkoşîna li dijî tundiya li ser jinan e

PUKMEDIA

Rûbirûbûna tundiya li ser jinan

Civata Giştî ya Netewên Yekgirtî 25ê Mijdarê wek “Roja navdewletî ya têkoşîna li dijî Tundiya li ser jinê” (Biryara 54/134) destnîşan kir, bi armanca hişyarkirina asta pirsgirêkên ku jin li seranserê cîhanê rastî wan tên, wek destdirêjî, tundetûjiya nav malê û cûreyên din ên tundûtûjiyê, yek ji armancên ku hatine destnîşan kirin ew e ku nîşan bide ku cewhera rastîn a pirsgirêkê veşartî dimîne.

Ev dîrok vedigere kuştina hovane ya di sala 1960 de ya Xwişkên Mîrabal, çalakvanên siyasî li Komara Domînîk, bi fermana dîktatorê Domînîkî Rafael Trujillo (1930-1961).

Di sala 1981ê de, çalakvanên rêxistina jinan "Encuentros" li Amerîka ya Latîn û Karayîp 25ê Mijdarê wek roja têkoşîna li dijî tundiya li ser jinan û bilindkirina hişyariyê li ser wê destnîşan kirin û di 17ê Kanûna Pêşîn a 1999an de bi biryareke Neteweyên Yekbûyî ev roj bû fermî.

Neteweyên Yekbûyî û Yekîtiya Nav-Parlamenteran (UIP) rolek girîng lîstin di handana hukûmetan, rêxistinên navneteweyî û rêxistinên nehikûmetê de ku çalakiyên ji bo piştgirîkirina rojê birêxistin bikin û wê wekî forumek navneteweyî bihesibînin.

Di vê rojê de divê bê bibîranîn ku Yekîtiya Niştimanî ya Kurdistanê weke partiyeke sosyalîst a demokratîk, ji bo çareserkirina pirsgirêkên hemû pêkhate û çînên civakî, bi xurtî bi têkoşîna jinan, wekhevî û têkoşîna li dijî cudaxwaziyê bawer dike, bi vî awayî berdewam e li ser şopandina rêya rast a Serok Mam Celal, ji bo ku jin di civakeke nûjen de ku tê de dadwerî û wekhevî serdest e, bijîn.

PUKMEDIA