Rapora nîvro ya Komîsyonê: Beşdarbûna dengdêran %23.9 e

Mekteba komîsyonê ya Silêmanî

proseya dengdanê

Komîsyona Bilind a Serbixwe ya Hilbijartinan rapora xwe ya navîn a hilbijartinên parlementoya Îraqê yên 2025an roja Sêşemê 11ê Mijdara 2025an weşand.

Komîsyonê di belgeyekê de ku ji hêla PUKMEDIAyê ve hatiye wergirtin, destnîşan kir ku rêjeya beşdarbûna dengdêran gihîştiye 23.90%, Li Herêma Kurdistanê rêjeya beşdarbûnê bilindtir bû û gihîştiye %27.
Li gorî rapora komîsyonê, heta nîvro nêzîkî 4.8 milyon dengdêran deng dane.
Dengdana hilbijartinên parlementoyê roja Sêşemê 11ê Mijdara 2025an demjimêr 7:00ê sibê dest pê kir û heta demjimêr 6:00ê êvarê berdewam dike.

Cumene El-Gelayî berdevka Komîsyonê ji PUKMEDIAyê re got: Hejmara dengdêrên mafdar 20,263,773 e, li 18 navçeyên hilbijartinê, bi 8,703 navendên dengdanê û 39,258 wêstgehan  li seranserê welêt belav bûye. Hejmara giştî ya namzedên hilbijartinê 7,743 e, ku ji wan 5,496 mêr û 2,247 jin in. Piştî ku dosyayên wan hatin nirxandin û prosedurên qanûnî yên pêwîst bicîh anîn, 848 namzed hatin dûrxistin.

Namzed li 18 navçeyên hilbijartinê belav bûne û ji bo 329 kursiyên Meclîsa Nûneran pêşbaziyê dikin, ku 9 ji wan ji bo civakên Xiristiyan, Êzidî û Feylî hatine veqetandin.
Komîsyona Bilind a Serbixwe ya Hilbijartinê dê di nav 24 demjimêran de piştî girtina sindoqên dengdana giştî encamên pêşîn ên hem dengdana taybet û hem jî ya giştî ragihîne.

PUKMEDIA