Komîsyon: Hilbijartin pir baş birê diçe

PUKMEDIA

Serokê Komîsyona Hilbijartinên Îraqê li navenda dengdanê ya Herêma Kurdistanê, Neberd Omer

Komîsyona Bilind a Serbixwe ya Hilbijartinên Îraqê roja Sêşemê ragihand ku di dema hilbijartinên giştî yên Hikûmeta Herêma Kurdistanê de 27 amêrên dengdanê rastî pirsgirêkên teknîkî hatine û paşê hatin çareserkirin, û got: Dengdan heta demjimêr 6 êvarê wê berdewam bike.

Serokê Komîsyona Hilbijartinên Îraqê li navenda dengdanê ya Herêma Kurdistanê, Neberd Omer, got ku hejmara navendên dengdanê li Herêma Kurdistanê 1,312 ku ji 5,599 wêstgeh pêk tê.
Amaje bi wê jî kir ku ji destpêka pêvajoya hilbijartinê di demjimêr 7:00ê sibê de, 27 makîneyên dengdanê rastî pirsgirêkên teknîkî hatine, lê tîmên teknîkî karîn wan zû çareser bikin.

 Neberd Omer got ku niha pêvajoya dengdanê li seranserê Îraq û Herêma Kurdistanê bi awayekî normal û rêkûpêk berdewam dike, dengdan dê heta 6:00 êvarê berdewam bike, piştî bidawîbûnê, dane û agahî bi rêya amêrên taybet ji Bexdadê re têne şandin.

Heşt hezar û 703 navendên dengdanê, ku 39 hezar û 285 wêstgehên dengdanê ne, roja Sêşemê demjimêr 7:00 sibehê ji bo dengdêrên li IÎaq û Herêma Kurdistanê vebûn. 21 milyon û 404 hezar û 291 kes kartên dengdanê wergirtine û dikarin biçin wêstgehan û beşdarî proseya dengdanê bibin ji wê hejmarê, 3 milyon û 68 hezar û 411 dengdêr li Herêma Kurdistanê ne.


PUKMEDIA