Komisyon: 270 hezar kes dê beşdarî dengdana taybet bibin

Medya

Neberd Omer, Berpirsê Komîsyona Hilbijartinên Herêma Kurdistanê li Komîsyona Bilind ya Hilbijartinên Îraqê

Sibê Yekşem rêkefta (09-11-2025) an dengdana taybet ji bo hilbijartinên Civata Nûneran ya Îraqê dê sibê li Îraq û Herêma Kurdistanê were lidarxistin û komisyonê jî aşkere kir ku, 270 hezar kes dê beşdarî dengdana taybet ya li Herêma Kurdistanê bibin.

Neberd Omer, Berpirsê Komîsyona Hilbijartinên Herêma Kurdistanê li Komîsyona Bilind ya Hilbijartinên Îraqê, di civîneke rojnamevaniyê de ragihand ku,komîsyonê hemû amadekariyên ji bo roja dengdanê temam kirine û hemû navendên dengdanê hatine amadekirin.

Neberd Omer,aşkere kir ku dengderên roja dengdana taybet li Herêma Kurdistanê,li Herêma Kurdistanê 270 hezar dengder mafên wan dengdanê heye, ku li ser 204 navendên dengdanê û 958 wêstgehan hatine dabeşkirin ku ji aliyê rêxistinên herêmî û navneteweyî yên ku ji bo mijara hilbijartinê hatine veqetandin ve tê şopandin.


Wî got: Heta niha 10 hezar kesan kartên xwe yên dengdanê wernegirtine, ji ber vê yekê em ji welatiyan dixwazin ku di zûtirîn dem de serdana navendên dengdanê bikin daku wan werbigirin, ku hejmara wan 170 navendên dengdanê ye.

Ev yek di demekê de ye ku, kempîna gera şeşemîn a hilbijartinên Civata Nûneran ya Îraqê ya hemû aliyên siyasî di demjimêr 7:00ê danê sibê ya 8ê Mijdarê de bi dawî bû û dengdana taybet dê sibê û hilbijartinên giştî jî dê di 11ê Mijdarê de werin lidarxistin.

 PUKMEDIA