Komîsyon sibê navendên dengdanê radestî hêzên ewlehiyê dike

PUKMEDIA

Komîsyona Bilind ya Serbixwe ya Hilbijartinên Îraqê

Komîsyona Bilind ya Serbixwe ya Hilbijartinê ya Îraqê ragihand ku ew ê sibê Pêncşem rêkefta (06-11-2025) an , navendên dengdanê radestî hêzên ewlehiyê bike û dengdêr jî tenê dikarin bi kartên xwe yên dengdanê yên Biyometrîk deng bidin.

Di daxuyaniyekê de, ku kopiyek ji PUKMEDIA re hatiye şandin, komîsyonê ragihand ku,sibê roja Pêncşemê, hemû xwendingehên ku proseya dengdanê têde dê bên lidarxistin, dê radestî hêzên ewlehiyê werin kirin, daku ji bo roja dengdanê bi tevahî werin parastin.

Derbarê mekanîzmayên dengdanê de jî, komîsyonê got: Di roja hilbijartinê de, dengder tenê dikarin bi kartên dengdanê yên Biyometrîk deng bidin, kart nikare ji hêla kesekî din ve were bikar anîn.

Derbarê sizayên darayî jî, komîsyonê aşkere kir ku heta niha 500 partî û namzed ji ber binpêkirinan bi sizayên darayî hatine sizadan.

Ev yek jî di demekê de ye ku, Yekîtiya Niştimanî ya Kurdistanê (YNK) li parêzgehên Hewlêr, Silêmanî, Duhok, Kerkûk û Diyalayê bi lîsta 222  beûdar dibe,hevdem li parêzgeha Neynewa jî, Hevpeymaniya Xekê Neynewa bi lîsta hejmare 281, lê li parêzgeha Selahedîn bi yek namzet di lîsta Hevpeymaniya Gelê Neteweyî ya hejmare 240 de dê beşdarî hilbijartinên 11ê Mijdarê bibin.

PUKMEDIA