Girîngiya çaksazî û yekxistina hêzên Pêşmerge hat gotûbêjkirin

Ragihandina Cîgirê Serokê Herêma Kurdistanê

Cîgirê Serok û Şêwirmendê Leşkerî yê Amerîka

Cîgirê Serokê Hikûmeta Herêma Kurdistanê Şêx Cefer Şêx Mistefa pêşwazî li Şêwirmendê Leşkerî yê Amerîka yê Hevpeymaniya Navdewletî ya li dijî DAIŞê li Îraq û Herêma Kurdistanê, Kolonel Matthew Schropner kir.

Di civînê de peywendiyên Amerîka bi Îraq û Herêma Kurdistanê re, pêşketinên dawî û rewşa ewlehiyê ya li herêmê, gefên DAIŞê li ser herêmê û alîkariya leşkerî ya hevpeymanan ji bo Pêşmerge û çend mijarên girîng yên hevpar hatin gotşbêjkirin.

Herdu aliyan tekezî li ser pêwîstiya berdewamiya hevkariya hevbeş ji bo şerê li dijî terorîzmê û metirsiyên DAIŞê li herêmê kirin, û her wiha girîngî dan pêvajoya çaksazîyê û yekbûna hêzên Pêşmerge.

Pêwendiyên Hewlêr-Bexda û pirsgirêkên hilawîstî yên di navbera wan de mijareke din ya civînê bû, ku têde berdewamiya danûstandinan ji bo çareserkirina pirsgirêkan ji nû ve hate piştrastkirin.

PUKMEDIA