Qubad Talebanî: YNKê û serokê wê xwedanê sozên xwe ne

Nivîsgeha Rojnamevaniya ya Qubad Talebanî

Qubad Talebanî, Serpereştê Bazineya Hewlêr ya Lîsta 222 ya Yekîtiya Niştimanî ya Kurdistanê

Qubad Talebanî ragihand ku YNKê û serokê wê xwedanê sozên xwe ne û li Bexdayê, emê sozên wî bicîh bînin û ji gel re piştrast bikin ku ewê ji dengdana xwe ya ji bo Yekîtî ya niha poşman nebin.

Qubad Talebanî, Serpereştê Bazineya Hewlêr ya Lîsta 222 ya Yekîtiya Niştimanî ya Kurdistanê ji bo Hilbijartina Civata Nûneran ya Îraqê di civîna digel hevalên bazineyên Çoman û Hacî Umran ragihand ku, YNKê û serokê wê xwedanê sozên xwe ne û ewê çi soz bidin bicîh bînin û me soz da ku emê ji bo naskirina parêzgeha Helebçeyê ji aliyê Bexdayê ve kar bikin û me ew kir, me soz da ku emê nehêlin Hilbijartina parlemana Kurdistanê li gorî yasaya kevin bên lidarxistin, û me jî kir,me soz da ku emê ji bo Kerkûkê parêzgarekî Kurd yê xizmetkar destnîşan bikin û me jî kir,me soz da ku em ê hevsengiya hêzê vegerînin û me ew jî kir. Me soz da ku Hikûmeta Herêma Kurdistanê bêyî şirîkatiyek rastîn û bêyî ku misoger bike ku ew hikûmetek dadperwer û xizmetguzar be, nayê damezrandin, heya niha em li ser soza xwe mane.

Her wiha tekez kir ku, hemû dengên xwepêşanderan di rastiyê de dengên resen ên YNKê ne, ji ber vê yekê ez ji we dixwazim ku di vê heyamê de yek bi yek bi xwepêşanderan re têkilî daynin û baweriyê bidin wan ku YNKê xwedanê sozên xwe ye,û em piştrast dikin ku, YNKê sozên xwe li Bexdayê bicîh tine û wan piştrast bike ku ewê rojekê ji dengdana xwe ya ji bo yekîtiya heyî poşman nebin.

PUKMEDIA