Bi amadebûna Serok Bafil, karnavaleke giştî ji bo lîsteya 222an li Koyê tê lidarxisti

PUKMEDIA

Serok Bafil Celal Talebanî

Bi amadebûna Birêz Bafil Celal Talebanî Serokê Yekîtiya Niştimanî ya Kurdistanê, biryar e ku siba Şemiyê 25ê Cotmeha 2025an, li bajarê Koyê karnavaleke giştî ji bo danasîna namzedên lîsteya 222an a YNKê were lidarxistin.

Kerwan Geznayî berdevkê YNKê, ji PUKMEDIA re got: Li bajarê Koyê karnavaleke giştî ji bo danasîna namzedên lîsteya 222an a YNKê, bi beşdarbûna Serok Bafil Celal Talebanî, tê lidarxistin.
Berdevk rave kir ku "Serok Bafil dê di dema karnavalê de gotarekê pêşkêş bike, û destnîşan kir ku karnaval dê demjimêr 14:00an de li Hola Sporê ya Newzad Mihemed dest pê bike.

Yekîtiya Niştimanî di hilbijartinên parlementoya Îraqê yên 2025an de, ku ji bo 11ê Mijdarê hatine plankirin, li parêzgehên Hewlêr, Silêmanî (di nav de Helebçe), Duhok, Kerkûk û Diyalayê, bi lîsteyek serbixwe ya bi jimareya (222) beşdar dibe. Li Parêzgeha Nînewa ew bi lîsteya hevpeymaniya Yekîtiya Gelê Nînewa bi jimareya 281, û li Parêzgeha Selahedîn, ew bi namzetek li ser lîsteya hevpeymaniya Girseyên Neteweyî, bi jimareya 240 beşdar dibe.
YNK di hilbijartinên pêş de bi 156 namzedan beşdar dibe, wiha ne: Silêmanî 36 namzed, Hewlêr 30 namzet, Duhok 5 namzed, Kerkûk 24 namzed, Diyalayê 28 namzed, Nînewa 31 namzed di nav hevpeymaniya Yekîtiya Gelê Nînewa de, û li Selahedîn û Bexdayê jî namzedek.

PUKMEDIA