Bi siyasetên aqilane yên Serok Mam Celal, YNK wê Herêmê bi hêztir bike

Kurdistan 12:40 PM - 2025-10-15

Lîsta YNK 222

Yekîtiya Niştimanî ya Kurdistanê bê westan dixebite da ku xizmeta welatiyên Herêma Kurdistanê û herêmên din ên Kurdî bike, derfetên kar ji bo ciwanan peyda bike.

Hêza me li Bexdadê hêza welatiyan e

Dr. Rêkewt Heme Reşîd, namzedê 1 û serokê Lîsteya YNKê ya hejmar 222 li Parêzgeha Silêmaniyê ji PUKMEDIA re got: Serokê rihmetî Mam Celal her tim digot, Çiqas em li Bexdadê bihêz bin bin, em ê li Herêmê jî bihêztir bin, û çiqas em li Bexdadê bihêztir bin, Herêm dê zêdetir pêşkeftî bibe û geşedanek mezintir bibîne. Ji ber vê yekê, em di YNKê de heman rêbaz dişopînin û ji bo domandina wê rêbazê em ê biçin Bexdadê.
Got jî: Em ê li Bexdayê bê westan bixebitin da ku pirsgirêkên darayî yên di navbera herêm û Bexdayê de bi awayekî radîkal çareser bikin, û em ê bixebitin da ku peymanek berfireh li ser mafê Herêma Kurdistanê di bernameya xebata hikûmeta federal a nû de ava bikin.

Siyaseta çepka gulan

Dr. Sakar Emîn, namzeda jimare 4 a lîsteya Yekîtiya Niştimanî ya Kurdistanê ya hejmar 222 li navçeya hilbijartinê ya Kerkukê, ji PUKMEDIA re got: YNK siyaseta çepka gulan ji bo serok Mam Celal li Kerkukê pêk tîne û heman rêbazê dişopîne, ji bo ku bêyî cudahî xizmeta hemû welatiyên Kerkukê bike.
Serok Bafil Celal Talabanî li cem hemû partiyên sîyasî yên li Bexdayê xwedî giranî û pêgehek girîng e. Ji ber vê yekê, dema ku ew serdana Bexdayê dike ew destvala venagere, lê belê encamên berhemdar bi xwe re tîne ku xizmeta berjewendîyên hemû welatiyan dike.
Amaje bi wê jî kir ku: YNK bernameyên berfireh hene da ku xizmeta ciwanên Kerkukê bike, ji berk u YNK ciwanan bi tevahî hêza xwe dibîne.

Hevdîtinên Serok Bafil Celal Talebanî li Bexdayê

Bafil Celal Talebanî Serokê Yekîtiya Niştimanî ya Kurdistanê, roja şemiyê ya borî serdana Bexdayê kir. Di serdanê de bi Serokwezîr Mihemed Şeya El-Sudanî, Serokê Encumena Bilind a Dadwerî Dadwer Fayq Zêdan, Sekreterê Giştî yê Tevgera Esayîb Ehl el-Heq Şêx Qeys El-Xezelî, Serokê Hevpeymaniya Dewleta Yasa Nûrî El-Malikîçî, Serok Komarê Dr. Ebduletîf Cemal Reşîd, Serokê Hevpeymaniya Pêşketinê Mihemed El-Helbûsî, Cîgirê Yekem ê Serokê Parlamentoyê Muhsin El-Mendelawî, Serokê Hevpeymaniya Ezm Musene El-Samiraî, Serokê Partiya Fazîletê Ebû Kerar El-Furaêcî û Serokê Hevpeymaniya Fetih Hadî El-Amerî re civiya.

Di hevdîtinan de, pabendbûna bi mercên peymana petrolê ya di navbera hikûmeta herêmî û hikûmeta federal de hate tekez kirin. Serok Bafil Celal Talebanî endezyarê sereke yê vê peymanê ye. Civînê her wiha tekezî li ser hewildanên ji bo sererastkirina bernameya dabeşkirina mûçeyên karmendên herêmê kir da ku bi yên mayî yên Îraqê re hevaheng be, û ji bo dûrketina ji tevlihevkirina mijara mûçe û xercên darayî yên gelê Kurdistanê bi nekokiyên siyasî re. Civînê her wiha tekezî li ser pêwîstiya birêvebirina hilbijartinên yasadanînê yên pêşerojê bi awayekî zelal û dadperwer kir, da ku ew li gorî daxwazên her kesî bin.

PUKMEDIA