Artêşa Îsraîlê agirbest li Xezeyê bi cih anî

PUKMEDIA

Xeze

Artêşa Îsraîlê ragihand: Êrîşên bi ser Xezayê de rawestiye, ji demjimêr 12ê şevê ve agirbest ketiye ware cîbecîkirinê û vekişîna hêzan dê di demek nêzîk de dest pê bike.

Nivîsgeha çapemeniyê ya serokwezîrê Îsraîlê got: Hikûmeta Îsraîlê roja Înê agirbestek li Xezeyê pejirand ku tê de serbestberdana hemû girtiyan jî heye.
Ev beşek ji rêkeftinek e ku Serokê Amerîkayê Donald Trump roja Çarşemê ragihand û ji aliyê hikûmeta Îsraîlê û Hemasê ve hatiye qebûlkirin.

Li gorî plana Trump, 250 Filistîniyên ku cezayê herheyî distînin û 1700 Xezayîyên ku piştî êrîşên 7ê Cotmehê hatine girtin dê werin berdan.

Artêşa Îsraîlê dest bi vekişîna hêzên xwe ji Xezeyê kiriye û bi hezaran penaberên Xezeyê piştî agirbestê bi komî vedigerin malên xwe.

PUKMEDIA