Hikûmeta Herêmê daxwazek ji Bexdayê dike

PUKMEDIA

Logoya Hikûmeta Herêm û Hikûmeta Îraqê

Encûmena Wezîran a Hikûmeta Herêma Kurdistanê roja Çarşemê 10ê Îlona 2025an bi serokatiya Serokwezîr Mesrûr Barzanî û bi beşdariya Cîgirê Serokwezîr Qubad Talebanî civîna xwe ya heftane li dar xist.

Li gorî daxuyaniyekê ku ji aliyê medyaya Encûmena Wezîran ve hatiye dayîn û bi dest PUKMEDIA ketiye hat gotin: Xala yekem a rojevê ji bo gotûbêjkirina pêşketinên dawî yên têkildarî dahatên ne-petrolê û ji nû ve destpêkirina hinardekirina petrola herêmê bû, ev jî di nav biryarên civînên heftane ya Encûmena Wezîran a Federal de ku duh roja Sêşemê, derbarê van her du mijaran de hatibû lidarxistin de. ku ji aliyê Serokê Dîwana Encûmena Wezîran Omêd Sebah û Sekreterê Encûmenê Amanc Rehîm ve bi berfirehî hatine nirxandin, hatibû veqetandin.
 Derbarê para xezîneya federal ji dahatên ne-petrolê yên herêmê de, Encûmena Wezîran li gorî daxuyaniyê, piştrast kir ku "pêşniyara hikûmeta herêmê ya derbarê dabeşkirina van dahatan û mekanîzmaya parvekirina wan bi hikûmeta federal re li ser hem Qanûna Rêveberiya Darayî ya Giştî ya Federal Hejmar (6) a 2019an, hem Qanûna Budceya Giştî ya Federal Hejmar (13) a 2023an, û hem jî biryara Dadgeha Bilind a Federal hatiye damezrandin.

Li gorî vê yekê, Encûmenê bang li "hikûmeta federal kir ku vê pirsgirêkê li gorî van qanûn û biryaran çareser bike bêy ku bibe astengiyek ji bo dayîna mûçe û feydeyên welatiyên herêmê. Her çend hikûmeta herêmê mafên xwe yên ku bi qanûnê hatine garantîkirin piştrast dike jî, ew li bendê ye ku hikûmeta federal pêşniyar û nerîna xwe ya qanûnî di vî warî de qebûl bike.

PUKMEDIA