Akademiya Kurdî: qedexekirina zimanê Kurdî nijadperestî ye

Ragihandina Wezaretê

Logoya Wezareta Xwendina Bilind a Iraqê

Akademiya Kurdî biryara Wezareta Xwendina Bilind û Lêkolînên Zanistî ya Iraqê ya qedexekirina bikaranîna zimanê Kurdî di ezmûnên zanîngehên Mûsil, Kerkûk û Diyalayê de şermezar kir, ev wekî nijadperestî bi nav kir û daxwaza betalkirina wê kir.

Di daxuyaniyekê de ku gihîştiye PUKMEDIA, Akademiya Kurdî ragihand:" biryara qedexekirina pirsên ezmûnê bi zimanê Kurdî li zanîngehên Kerkûk, Mûsil û Diyalayê wekî nijadperestî dibînin."

Di daxuyaniya xwe de, Akademiyê daxwaza "betalkirina vê biryara neqanûnî û nedestûrî kir, û ji Wezareta Xwendina Bilind a Iraqê xwest ku ji gelê Kurd lêborînê bixwaze."

Wezareta Xwendina Bilind û Lêkolînên Zanistî ya hikûmeta federal nameyek ji zanîngehên Mûsil, Kerkûk û Diyalayê re şand, bi jimareya 0006496 û bi dîroka 16ê Tîrmeha 2025an, ku bikaranîna zimanê Kurdî li saziyên akademîk ên li van deveran qedexe dike. Di namê de  her wiha ji zanîngehan tê lêkolîn û azmûnan bi zimanê Kurdî nekin. Her wiha bangeşeya wê yekê dikin ku qaşo xwendin tenê bi zimanê erebî û îngîlîzî ye û ferman daye divê pirs ji bo xwendekarên Kurd neyên wergerandin ango neyên tercûme kirin.Di nameyê de tekez li ser wê yekê hat kirin ku her kesê ku vê fermanê binpê bike dê encamên yasayî bikşîne. 

Akademiya Kurdî saziyek e ku ji bo berhevkirin, parastin û dewlemendkirina mijarên têkildarî zimanê Kurdî û zaravayên wê hatiye veqetandin.

Nivîsa nameya Wezareta Xwendina Bilind

PUKMEDIA