Pêşangeha Navneteweyî ya Pirtûkan dê bi navê Serok Mam Celal be

PUKMEDIA

7emîn Pêşangeha Pirtûkan a Navneteweyî ya Silêmaniyê

Di çarçoveya amadekariyên Pêşangeha Navneteweyî ya Lijneya Bilind a Silêmaniyê de, biryar hatiye dayîn ku di 3ê Cotmeha 2025an de, ku hevdem e bi  Heftemîn Pêşangeha Navneteweyî ya Pirtûkan a Silêmaniyê dê di salvegera 8'mîn ya  koça dawî ya Serok Mam Celal de were lidarxistin.

Wezîrê Rewşenbîrî û Ciwanan ê Hikûmeta Herêma Kurdistanê Hemey Heme Seîd bi Weşanxaneya Atlas û hejmarek weşanxane û çavdêrên pêşangehê li Silêmaniyê re civiya.Wan nexşerêya amadekariyan temam kir û biryar da ku gera heftemîn a Pêşangeha Navneteweyî ya Pirtûkan bi navê Serok Mam Celal bi nav bikin.

Her wiha biryar dan ku ji bo çavdêriya pêşangehê desteyek hevkariyê û hevrêziyê ava bikin.

Heta niha şeş Pêşangehên Navneteweyî yên Pirtûkan ên Silêmaniyê hatine lidarxistin, ya herî dawî jî şeşemîn Pêşangeha Navneteweyî ya Pirtûkan a Silêmaniyê bû, ku 40,000 sernav û 9 mîlyon pirtûk ji hêla 200 navendên herêmî û navneteweyî ve hatin pêşandan.

PUKMEDIA