Parvekirina mûçeyên meha Gulanê dest pê kir

PUKMEDIA

Diravên Iraqî

Wezareta Darayî û Aboriyê ya Hikûmeta Herêma Kurdistanê, îro parvekirina mûçeyên meha Gulanê dest pê kir û dê roja Yekşemê (27ê Tîrmeha 2025an) bi dawî bibe.

Li gorî bernameya Wezareta Darayî, xanenîşînê sivîl, seqet, girtiyên siyasî, qurbaniyên êrîşa kîmyewî, xizmên şehîdan û qurbaniyên Enfalê dê îro mûçeyên xwe bistînin.

Duh Wezareta Darayî ya Hikûmeta Herêma Kurdistanê gihîştina pereyê ku ji bo mûçeyên karmendan ên meha Gulana borî hatibû veqetandin ragihand. 
Di daxuyaniyekê de ku gihîştiye, malpera fermî ya Yekîtiya Niştimanî ya Kurdistanê PUKMEDIA, Wezareta Darayî ragihand: "Îro, roja Pêncşemê, 24ê Tîrmeha 2025an, (974,813,000,000 ) dînar ji bo mûçeyên karmend û xanenîşînê  meha Gulana borî yên Herêma Kurdistanê hatiye veguhestin.’’

 Di daxuyaniyê de wiha jî hat gotin: "Ev pere ji bo hesabê Wezareta Darayî li şaxê Hewlêrê yê Banka Navendî ya Iraqê hatiye veguhestin.Roja Înê, dê mûçeyên karmendên herêmê yên meha Gulana borî wê werin parvekirin ku nêzîkî 90 roje hemwelatiya mûçe wernegirtine ."

PUKMEDIA