Parlamenter daxwaza vekirina xala kontrolê ya Bawa Mehmûd dikin

Ajans

Qamiyon

Endamekî fraksiyona YNK got:"Me ji serokwezîrê Iraqê xwestiye ku vekirina ofîsa gumrikê li xala kontrolê ya Bawa Mehmûd bilezîne, da ku şofêrên kamyonan bikaribin kelûpelên xwe rasterast ji deriyê Perwîzxanê veguhezînin navend û başûrê Iraqê."

Dr. Biryar Reşîd, endamê parlementoya Iraqê ji fraksiyona YNK, ji malpera fermî ya Yekîtiya Niştimanî ya Kurdistanê (PUKMEDIA) re got:"Li ser daxwaza welatiyan, bi sedan şofêrên kamyonan û karsazan, me nameyek ji Serokwezîrê Iraqê Mihemed Şîa Sûdanî re şand û jê xwest ku vekirina ofîsa gumrikê li xala kontrolê ya Bawa Mehmûd hêsan bike.

"Vekirina ofîsa gumrikê li xala kontrolê ya Bawa Mehmûd dê sûdê bide şofêrên kamyonan ji ber ku ew ê rêwîtiya wan bi 450 km kurt bike û ew dikarin kelûpelên xwe rasterast bi rêya deriyê Perwîzxanê veguhezînin navend û başûrê Iraqê." Biryar Reşîd got.

PUKMEDIA