Lêkolîneke lezgîn li ser êrîşên bi balafirên bêpîlot ên li ser Herêma Kurdistanê

Ofîsa Medyayê ya Serokwezîr

Mihemed Şîa El Sûdanî

Fermandarê Giştî yê Hêzên Çekdar, Mihemed Şîa El-Sudanî, ji rayedarên pêwendîdar xwest ku lêkolînekî berfireh bidin destpêkirin da ku kesên li pişt êrîşên bi droneyan li ser du zeviyên petrolê yên li Herêma Kurdistanê werin destnîşankirin û tedbîrên tund bigirin da ku kesên têkildar bêyî nermî û dudilî hesab bidin.

Sebah El-Numan, berdevkê fermî yê Fermandarê Giştî yê Hêzên Çekdar, di daxuyaniyekê de ku gihîştiye PUKMEDIA got: "Du zeviyên petrolê yên li Herêma Kurdistana Iraqê rastî êrîşên bi droneyan hatin, ku ev yek gefê li berjewendiyên Iraqiyan dixwe û êrîşek li ser hewldanên dewletê yên ji bo xurtkirina aramiyê û pêşvebirina pêşkeftinê ye."

Sebah El-Numan got jî: "Cewher û dema van kiryarên sûc niyetên xerab nîşan didin ku armanc dikin ku rewşê têk bibin û zirarê bidin Iraqê û saziyên wê yên girîng." Berdevk wiha domand, "Fermandarê Giştî yê Hêzên Çekdar, Mihemed Şîa El-Sudanî, ji rayedarên pêwendîdar xwest ku lêkolînekî  berfireh bidin destpêkirin da ku aliyên li pişt van êrîşan werin destnîşankirin û tedbîrên tund bigirin da ku kesên têkildar bêyî nermî û dudilî hesab bidin."

 Wî tekez kir ku "hikûmeta Iraqê, bi hemû sazî û dezgehên xwe, rê nade ti gefên ku bandorê li berjewendiyên gelê Iraqê dikin, û dê hemû tedbîrên pêwîst bigire da ku tesîsên girîng biparêze û pergala parastinê xurt bike, bi awayekî ku rê li ber dubarebûna van kiryaran bigire, serweriya Iraqê biparêze û mafên gelê wê biparêze."

PUKMEDIA