Komîsyon:7,926 berbijêr hewl didin 329 kursiyan bi dest bixin

Ajans

Lîsteya partî û berbijêran

Komîsyona Bilind a Serbixwe ya Hilbijartinên Iraqê (IHEC) ragihand:"7 hezar û 926 kes wekî berbijêr ji bo hilbijartinên parlementoyê qeyd bûne, herî zêde li Bexdayê û herî kêm li Duhokê.

Komîsyona Bilind a Serbixwe ya Hilbijartinan (IHEC) hejmara berbijêr , partî û hevpeymanan eşkere kir."Bi tevahî 7,926 berbijêr qeyd bûne, di nav wan de 5,701 mêr û 2,225 jin hene.

Komîsyonê her wiha eşkere kir:"Hejmara herî zêde ya berbijêran li Bexdayê ye ku 2,353 berbijêr hene û hejmara herî kêm a berbijêran li Duhokê ye ku 61 berbijêr hene.

Li gorî komîsyonê:"Li Herêma Kurdistanê ti hevpeymanî ne hatiye qeydkirin û 19 kes wekî berbijêrên serbixwe qeyd bûne.

Li gorî prosedurên Komîsyonê:"Piştî qeydkirinê, navên berbijêran dê ji bo misogerkirina mafê wan ê ji bo parlementoyê ji aliyên peywendîdar re werin şandin, di nav de Wezaretên Parastin, Karên Hundir, Perwerdehiya Bilind, Perwerde, Komîsyona Gendeliyê û Konseya Dadweriyê.

21 milyon û 400 hezar û 89 hilbijêr dê ji koma 7 hezar û 926 berbijêran dê 329 berbijêran  ji bo rûniştina bê ya parlamentoya Iraqê hilbijêrin.

PUKMEDIA