Dadgeha Federal ji bo pirsa mûçeyên Herêma Kurdistanê dê bicive

Ajans

Dadgeha Federal

Dadgeha Bilind ya Federal ya Êraqê biryar daye ku rûniştinekê li darbixe daku doza hejmarek fermanberên Herêma Kurdistanê ya derbarê mûçeyên ku hikûmeta Federal şandina wan ji fermabnerên herêmê re rawestandiye gotûbêj bike.

Dadgeha Bilind ya Federal roja 14ê Tîrmeh ya sala 2025an wekî roja nirxandina doza ku li dijî Wezîra Darayî ya hikûmeta Federal (ji bilî posta wê) hatiye vekirin, destnîşan kir doz li ser wê yekê ye ku Wezareta Darayî ya Federal heyvan e û di dema xwe de mûçeyên li Herêma Kurdistanê bide, bêyî ku nakokiyên di navbera hikûmeta federal û hikûmeta herêmê de yên derbarê gotûbêjkirina Yasaya Budceya Giştî ya Federal yan jî ji ber sedemên din hebin di dozê de.

Her wiha fermanek dadwerî hat e xwestin ku Wezareta Darayî ya Federal neçar bike daku mûçeyên fermanber, xanenişînan, malbatên şehîdan û sûdmendên xizmetguzariya civakî yên li herêmê yekser ji vê heyvê û pê ve û heya ku doz yek alî dibe bide.

Tomarkirina Dozekê li Dadgeha Federalî

Dadgeha Bilind ya Federalî vê dawiyê dozek derbarê berdewamiya ne dayîna mûçeyên Fermanberên li Herêma Kurdistanê wergirt.

Dadgeha Federal Di daxuyaniyekê de ku ji hêla PUKMEDIA ve hatiye bidestxistin ragihand ku Fermanberên Herêma Kurdistanê dozek vekirin ku têde daxwaza berdewamkirina dayîna mûçeyan li Herêma Kurdistanê di dema xwe ya diyarîkirî de kirine, li gorî biryara vê Dadgehê ya hejmar 224 û biryara wê ya yekgirtî ya hejmar 269/Federal/2023 ya 21ê Sibat ya sala 2024an.

Di daxuyaniyê hatiye:Fermanberan daxwaza derxistina fermanek e dadweriyê kirin e daku Wezareta Darayî ya Federal neçar bike ku mûçeyan li gorî biryara Dadgeh ya Bilind bide, û hem Serok wezîrên hikûmeta federal û hem jî Serok wezîrên Hikûmeta Herêma Kurdistanê neçar bike ku mûçeyên fermanberên hemî wezaret, parêzgeh û saziyên ku ne girêdayî wezaretekê ne, û her weha hemî fermanberên dezgehên din yên hikûmetê, xanenişîn û sûdmendên tora parastina civakî ya li herêmê li bankên hikûmeta federal yên ku li derveyî herêmê kar dikin,cî bi cî bikin , û wan ji pişka herêmê ya ku di yasaya budceyê de hatiye destnîşankirin derxînin.

Her weha di daxuyaniyê de hatiye gotin: Doza navbirî ya hejmare (104/Federal/2025) li dadgehê hatiye tomar kirin, û xerca yasayî hatiye dayîn, dê daxwaza derxistina biryara dadweriyê di zûtirîn dem de were kirin.

PUKMEDIA