YNKê sozên xwe li Kerkukê bi cih tîne

Taybet

Projeya nûjenkirina riya Kerkuk-Qerehencîr

Yekîtîya Nîştimanî ya Kurdistanê (YNK) bi riya parêzgar û endamên Civata Parêzgeha Kerkûkê sozên xwe yên xizmetguzariya Kerkukê bi bicih tine,û niha hejmarek projeyên xizmetguzariyê li bajêr hatine bicîhkirin, ya herî girîng nûjenkirina rê û kolanên Kerkuk-Qerehancîr û Kerkuk-Pirdê yên wê parêzgehê.

Perwîn Fatih, Endama Civata Parêzgeha Kerkukê, ji firaksyona Yekîtiya Nîştimanî ya Kurdistanê (YNK)ji malpera fermî ya Yekîtiya Nîştimanî ya Kurdistanê (YNK) PUKMEDIA re ragihand ku,li Kerkukê nûjenkirina riyên Kerkûk-Qehrencir û Kerkuk-Pirdê û gelek projeyên din yên xizmetguzariyê tên encamdan, bernameya lîsta (Kerkûk Hêz û Îradeya Me Ye), ku berî Hilbijartina Civata Parêzgeha Kerkukê û piştî avakirina hikûmeta xweciyî û wergirtina posta parêzgarê Kerkukê ji aliyê YNKê ve hatibû amadekirin, sozên wê hatine bicîhanîn.

Perwîn Fatih got: Projeya nûjenkirina riyên Kerkûk-Qerehancîr û Kerkûk-Pirdê dê sûdê bide akinciyên Kerkûk, Silêmanî û Bexdayê û dê derfetên kar yên zêdetirjî  ji bo ciwanên Kerkûk biafirîne, ji bilî çakkirina riyan, dê jiyana ajokar û rêwiyan were parastin û dîmenk baştir jî dê bide bajêr.

Her weha aşkere kir ku,nêzîkî 10 heyvan e ku hikûmeta xweciyî ya kerkûkê hatiye pêkanîn û postê parêzgarê Kerkûkê li cem Yekîtiya Nîştimanî ya Kurdistanê (YNK) ye, di vê dema kurt de, YNKê bi riya parêzgar û nûnerên xwe li Civata Parêzgehê kariye hejmareke mezin ji xizmetguzariyan pêşkêşî bajêr bike, ev yek keskkirin, paqijkirin û nûjenkirina kolanên Kerkûkê li xwe digire, di heman demê de niha sererastkirina riyên li derveyî Kerkûkê xistiye rojevê.

Yekîtiya Niştimaniya Kurdistanê (YNK) di Hilbijartina Civata Parêzgehên Êraqê de li deverên veqatandî bi ser ket, li Kerkukê, 157 hezar û 639 deng bi dest xist, ku ev jî %43ê dengên parêzgehê ye, bi vî awayî pênc kursî di Civata Parêzgeha Kerkukê de bi dest xist û bi vê yekê bû xwedanê pênc kursiyan li Civata Parêzgeha Kerkukê, îro, ew bernameya xwe yên beriya hilbijartinê bicîh tîne û hemû hewlên xwe dide daku xizmeta Kerkukê bike.

PUKMEDIA