Komîsyon hûrbîniyê di lîstên berbijêran de dike

PUKMEDIA

Berdevka Komîsyonê Cûmana Xelayî

Komîsyona Bilind ya Serbixwe ya Hilbijartinên Êraqê ragihand ku hûrbînî di lîstên berbijêrên Hilbijartina Parlemana Êraqê de dest pê kiriye, û berdevka komisyonê jî dibêje: Hejmara navên berbijêran gelek in û dem ji bo vê proseyê pêwîst e.

Cûmane Xelayî , Berdevka Komîsyona Bilind ya Serbixwe ya Hilbijartinên Êraqê ragihand piştî ku duh roja Pêncşemê rêkefta (26-06-2025) an dema tomarkirina navên berbijêran ji bo Hilbijartina Parlemana Êraqê bi dawî bû, komisyonê dest bi hûrbînîkirinê di navên wan berbijêran de kir ku ji bo beşdarîkirina di hilbijartinê de hatine pêşkêşkirin.

Her weha aşkere kir ku, proseya hûrbîniyê di navên berbijêran de proseyek e girîng e û gelek dem ji bo wê pêwîste, ji ber ku hejmara navên berbijêrên ku ji komîsyonê re hatine pêşkêşkirin gelek in.

Yekîtiya Niştimanî ya Kurdistanê (YNK) ji  bo beşdarîkirina di Hilbijartina Parlemana Êraqê de navên serokên list û berbijêrên xwe pêşkêşî Komîsyona Bilind ya Serbixwe ya Hilbijartinên Êraqê kiriye ku hejmara wan li parêzgehên Hewlêr, Silêmanî, Duhok, Kerkûk, Neynewe, Diyale, Selahedîn û Bexdayê nêzîkî 200 berbijêr in.

Ev yek di demekê de ye ku Civata Wezîrên Êraqê roja (09-04-2025) di civîn xwe ya asayî de roja (11-11-2025) an wek roja encamdana Hilbijartina Parlemana Êraqê destnîşan kiribû.

 PUKMEDIA