Her medyaya ku ewlehiya herêmê têk dide dê were darizandin

Ajans

Medya

Wezareta Rewşenbîrî ya Hikûmeta Herêma Kurdistanê radigihîne:"Her saziyeke medyayê û bikarhênerekî medyaya civakî ku nûçeyên bê bingeh ji bo têkbirina ewlehiya Herêma Kurdistanê û çavtirsandinê belav bike, dê bi darizandina yasayî re rû bi rû bimîne.

Wezareta Rewşenbîrî ya Hikûmeta Herêma Kurdistanê (KRG) peyamek bi îmzeya Hama Hama Saîd, Wezîrê Rewşenbîrî, ji bo hemû kanalên medyayê û welatiyan belav kir.

"Îro, herêm di rewşek hesas re derbas dibe û medya amûrek bi bandor e û medyaya Kurdî dikare roleke girîng di parastina ewlehiya civakî û helwesta bêalî ya Herêma Kurdistanê di bûyerên herêmî de bilîze. Pêşketinên li herêmê û encamên wan divê bi awayekî alîgir neyên weşandin."

"Hemû cure nûçe li ser ewlehiya Kurdistanê û agahdariyên li ser bûyeran tenê ji çavkaniyên fermî têne girtin, ji ber vê yekê em ji her kesî dixwazin ku bi berpirsiyarî bi van bûyer û pêşketinan re mijûl bibin," wî got.

"Her saziyeke medyayê û bikarhênerekî medyaya civakî ku nûçeyên bê bingeh ji bo têkbirina ewlehiya Herêma Kurdistanê û çavtirsandinê belav bike, dê berpirsiyar be," Wezaretê got.

PUKMEDIA