Serokkomarê Iraqê tekezî li ser girîngiya beşdarbûna di hilbijartinên Iraqê de kir

Daxuyaniya Serokomariya Iraqê

Serok û Emmar Hekîm

Serokkomarê Iraqê Dr.Letîf Reşîd roja Pêncşemê li Bexdayê bi Serokê Tevgera Hikmeta Neteweyî Emmar Hekîm re civiya.

Di civînê de pêşketinên dawî yên rewşa siyasî û aborî ya welêt û hilbijartinên parlemanî yên bê û çawaniya misogerkirina wê hatin nîqaşkirin.

Serkeftina pêvajoyê hat nîqaşkirin û Serokkomar tekez kir ku ji bo bidestxistina armancên wan ji bo pêşerojek aram , pêwîstiya beşdarbûna hemû Iraqiyan û hilbijartina nûnerên wan di atmosferek demokratîk de heye.

Di civînê de her wiha li ser mijarên siyasî û ewlehiyê yên cûrbecûr li ser asta herêmî û navneteweyî hatin nîqaşkirin û rola Iraqê û hewldanên wê di xurtkirina bingehên aramiyê li herêmê de hatin nirxandin.

PUKMEDIA