Konsulê Îranê bo YNKê:Girîngiyê didin peywendiyên navbera me

PUKMEDIA

Serdana şandeya payebilind ya Konsulxaneya Komara Îslamî ya Îranê li Hewlêrê bo baregeha Mekteba Siy

Bi boneya salvgera Yobîla Zêrîn ya Yekîtiya Nîştimaniya Kurdistanê û gihandina peyama pîrozbahiyên Komara Îslamî ya Îranê; îro şandeke pilebilind ya Konsulxaneya Giştî ya Îranê li Hewlêrê, bi serokatiya Feramerz Esedî, Konsulê Giştî yê Komara Îslamî ya Îranê li Herêma Kurdistanê, serdana baregeha Mekteba Siyasî ya YNKê kir, û ji aliyê Se`idî Ehmed Pîre, Endamê Mekteba Siyasî û Berdevkê YNKê ve hatin pêşwazîkirin.

Feramerz Esedî, Konsulê Giştî yê Komara Îslamî ya Îranê li Herêma Kurdistanê, bal kişand ser peywendiyên dostan e yên kevin di navbera Komara Îslamî ya Îranê û Yekîtiya Niştimanî ya Kurdistanê (YNK) de, her wiha ronahî xist ser rola rihmetî Serok Mam Celal di avakirin û pêşxistina van peywendiyên û hevrêzkirin û dostaniya di navbera her du aliyan de destnîşan kir.

Her weha got: YNKê xwedî dîrokek e têkoşîn û fedakariyê ji bo azadî, demokrasî û mafên mirovan e,Komara Îslamî ya Îranê qîmetê dide vê têkoşîna dirêj û got: Em hêvî dikin ku hevrêzî û peywendiyên dostan e bêtir bibin.

Se`idî Ehmed Pîre spasiya beşdarbûna şandeyê kir û hêvî kir ku ev beşdarbûn bibe qonaxek ji bo nûhkirina peywendiyên dîrokî û kevnar yên di navbera her du welatan de, û bal kişand ser rol û girîngiya Komara Îslamî ya Îranê di piştgiriya gelê Kurd de di qonaxên cuda yên têkoşîna şoreşgerî ya gelê me bi giştî û şoreşa nû ya bi serokatiya YNKê bi taybetî, her bi vê boneyê Konsulxaneya Komara Îslamî ya Îranê li Hewlêrê peyameke pîrozbahiyê ya nivîskî ji bo Serok Bafil Celal Talebanî û serkirdayetiya YNKê bi boneya Salvegera Zêrîn şand.

PUKMEDIA