Danûstandinên nuh di navbera Tehran û Washingtonê

PUKMEDIA

Alaeya welatan

Îro Tehran û Washington careke din dicivin, Serokê Rûsyayê Vladimîr Pûtîn pêşniyar kir ku Stenbol bibe wêstgeha destpêkê ji bo danûstandinên bi Ukraynayê re. Şerê çend rojî yê di navbera Hindistan û Pakistanê de, zêdetirî 30 welatan anî ser xeta şer û banga agirbestê kirin, Piştî her pevçûnek kurt an dirêj, rê vegera ser maseya diyalogê ye. Herkes hemfikir e ku divê şer ji holê bê rakirin

Washington û Tehran

Piştî hefteyekê derengketina gera çaremîn a danûstandinên atomî, biryare ku Tehran û Washington di 11ê Gulana 2025an de li Mesqatê bicivin.

Medyaya Îranê ragihand ku Wezîrê Derve yê Îranê Ebas Êraqçî dê serokatiya şandeya Tehranê bike, di heman demê de nûnerê taybet ê Trump li Rojhilata Navîn Steve Witkoff dê serokatiya tîma Washingtonê bike.
Heta niha sê dewreyên danûstandinan di navbera Washington û Tehranê de hatine lidarxistin, du li Masqat û yek jî li Romayê.

Rûsya û Ukrayna

Serokê Rûsyayê Vladimîr Pûtîn pêşniyar kir ku di navbera welatê wî û Ukraynayê de li Stenbolê di nav agirbesteke mehekê de danûstandinên rasterast werin kirin.
Serokê Rûsyayê Vladimîr Pûtîn di konferanseke rojnamevanî de li koşka Kirêmlên daxwaza danûstandinên rasterast di navbera Rûsya û Ukraynayê de kir û daxwaz kir ku danûstandin li Stanbûlê roja 15ê Gulanê (Eyar)bê lidarxistin.

Her wek pêşniyar bu rayedarên Kîvê dike ku danûstandinên ku di sala 2022an de neqediyan, ji nû ve bidin destpêkirin.

Hindistan û Pakistan

Nûçeya agirbesta di navbera Hindistan û Pakistanê de ku şeva borî 10/5/2025 hate ragihandin, bû mijareke germ di medyayê de û Serokê Amerîkayê ev nûçe ragihand.

Piştî nêzîkî hefteyekê şer, nêzîkî 30 welatan navbeynkarî kirin û Serokê Amerîkayê Donald Trump got:"Piştî danûstandin û navbeynkariya Washingtonê, her du alî li ser agirbestê li hev kirin."

Wezîrê Derve yê Pakistanê aşkire kir ku "Nêzîkî 30 welatan beşdarî vê hewildanê bûn û hewildanên wan ên dîplomatîk serkeftî û berhemdar bûn."

Li gorî raporên medyayê biryare siba Duşemê Hindistan û Pakistan li ser maseya danûstandinan bicivin.


PUKMEDIA