Fermandarê komando li Bexdayê ye ji bo gotûbêjkirina mijarên ewlehî û leşkerî

Ragihandina fermandariya hêzên Komando

Fermandarê Hêzên Pêşmerge

Fermandarê Hêzên Komando yên Kurdistanê li Bexdayê rêze civînên girîng ên leşkerî li dar xist da ku hevkariya ewlehiyê bi hêzên Êraqî re bilind bike, bi armanca xurtkirina aramiyê û şopandina bermahiyên terorîstan.

Di daxuyaniyek fermî de wiha hat gotin, Fermandarê Hêzên Komando yên Kurdistanê Diyar Omer roja Sêşemê ya borî ji bo serdaneke sê rojî gihîşt paytext Bexdayê, û nîşan da ku "wî rêze civînên leşkerî li dar xist û bi Cîgirê Fermandarê Operasyonên Hevbeş, Lîwa Qeys el-Muhemedawî, fermandarê Firqeya Yekem a Hêzên Taybet ên Êraqê, General rukin Xalêb Mihemed Kemer, û fermandarê Firqeya Îmam Ebas, Meysem el-Zubeydî re civiya.

Di daxuyaniyê de wiha hat gotin, "Di civînan de li ser xurtkirina hevkariya ewlehiyê û hevrêziya hevbeş di şerê li dijî terorîzmê de, parastina têkiliyan ji bo xizmetkirina gel, û parastina sînorên leşkerî yên her du aliyan ji tevgerên terorîstan nîqaş hat kirin. Her wiha wan planên pêşerojê ji bo tunekirina stargeh û veşartgehên DAIŞê li deverên sînorî yên leşkerî yên hevbeş nîqaş kirin.

Li gorî daxuyaniyê, fermandarê hêzên komando, Diyar Omer, destnîşan kir ku hêzên wî "dest bi pêkanîna rêze operasyonên ewlehiyê kirine da ku şaneyên veşartî yên DAIŞê li derdora Kerkûk, Diyala û Selahedînê ji holê rakin.

Daxuyaniyê tekez kir ku "di civînan de her wiha li ser hejmarek mijarên girîng ên hevbeş, wekî hevkariya ewlehiyê, perwerde û vejandina leşkerî bi rêberên Wezareta Parastinê ya Êraqê re gotûbêj hatin kirin.

PUKMEDIA