Mekteba Siyasî: Cihê azadiya rojnamegeran berfireh bikin

PUKMEDIA

Logoya YNKê

Mekteba Siyasî ya Yekîtiya Niştimanî ya Kurdistanê (YNK) peyameke pîrozbayî pêşkêşî rojnamevanên Kurdistanê kir û got:"Em piştgiriya xwe ji bo rojnamevanên rast, ku xwe dispêrin çavkaniyên nûçeyan dubare dikin, da ku li seranserê Kurdistanê qada azadiya siyasî û rojnamevaniyê bê asteng û dozên çêkirî be."

Nivîsa peyamê

Bi helkefta 127 saliya rojnamegeriya Kurdî, em bi germî pîrozbahiyê li rojnamevanên Kurd û medyaya Kurdistanê dikin ku ji bo pêşxistina vî warî hewl dane.

Her çend karê rojnamegeriya kurdî gelek salên dijwar di bin siya dagirkeran de dîtibe jî, lê piştî serhildana sala 1991’an, mirov dikare bibêje ku rojnamegeriya kurdî bi rengekî berfirehbûna azadiyan dîtiye û bi bextewarî heya roja me ya îro jî didome.

Yekîtiya Niştimanî ya Kurdistanê (YNK) ji têkoşîna çiyayî ve girîngiyeke mezin daye dabînkirina azadiya rojnamevanî û rewşenbîran û dirûşma “nan û azadî” bi cih tîne.

Rojnamegerî û yekem rojname û dezgehên ragihandinê yên taybet û serbixwe li deverên di bin serweriya YNKê de derfet hatin dayîn û ji ber wê jî karê rojnamegeriya kurdî bê rawestan ber bi pêş ve diçe.

Bi vê minasebetê em careke din piştevaniya xwe ji bo rojnamevanên rastgo, ku  xwe dispêrin çavkaniyên nûçeyan dubare dikin, da ku qada azadiyê ji bo wan li seranserê Kurdistanê û qada azadiya siyasî û rojnamevaniyê bê asteng û dozên çêkirî be.

Miletê me hêjayî azadîyê ye û demokrasî bingehên şanazîya me ne bi ezmûna me li seranserê cîhanê.

Careke din pîroz be

Mekteba  Siyasî Yekîtiya Niştimanî ya Kurdistanê

PUKMEDIA